◻ २८ व्या पुण्यतिथी सोहळ्याला कोविड - १९ नियमाचे पालन करत पंचक्रोशीतील भाविकाना उपस्थित राहण्याचे आवाहन.
संगमनेर Live | संगमनेर तालुक्यातील आश्वी खुर्द येथिल ग्रामस्थांचे श्रध्दांस्थान असलेल्या बालब्रम्हचारी शिवभक्त पूंजाआई यांच्या २८ व्या पुण्यतिथीचे उद्या मंगळवार दि. १ फेब्रुवारी २०२२ रोजी पूंजाआई मंदिर प्रागंणात आयोजन करण्यात आले आहे.
पुजांआईने गोदावरी नदीकिनारी असलेल्या शिवमंदिरात १२ वर्ष तपश्चर्या केली होती. त्याचे जन्मगाव पुनतगाव (ता. नेवासे) असले तरी आश्वी खुर्द गाव हेच त्याची कर्मभूमी म्हणून ओळखले जाते. पुजांआईने गावात महादेव, मारुती व खंडोबा मंदीराच्या जिर्णोध्दारासाठी महत्त्वाचे योगदान दिले. पुजांआईने आश्वी खुर्द गावामध्ये भक्तीची सुरवात केली, परंतू कधीही अधंश्रध्देला खतपाणी घातले नाही.
देवगडचे मठाधीपती भास्कंरगिरी महाराज हे पुजांआईला आपली आई मानत होते. आश्वी खुर्द प्रमाणेचं पुजाईचे देवगड व बकुपिंपळगाव येथे भव्य मंदिर असून या तीनही ठिकाणी मोठ्या प्रमाणात पुजांआईची पुण्यतिथी साजरी केली जाते. यावेळी उपस्थित भाविकाना आमटी भाकरीच्या महाप्रसादाचे वाटप केले जाते.
आश्वी खुर्द येथे मंगळवारी सकाळी अभिषेक, सायं ५ वा. पारंपारीक पध्दतीने सवाद्यं पुंजाआई मातेची मिरवणूक काढली जाणार असून सायंकाळी ६ वा. हभंप महंत रामेश्वर उंबरेश्वर देवस्थानचे मठाधीपती दत्तगिरी महाराज यांचे सुश्राव्य अमृतुल्य हरी किर्तन व त्यानतंर अमटी भाकरीचा महाप्रसादाचे वाटप होणार आहे.
दरम्यान या पुण्यतिथी सोहळ्यासाठी आश्वीसह पंचक्रोशीतील ग्रामस्थांनी कोविड - १९ नियमाचे पालण करत उपस्थित रहावे असे आवाहन आश्वी खुर्द ग्रामस्थांनी केले आहे.
