◻ गंगा, यमुना व सरस्वती ला पाहण्यासाठी आनेकाच्या येरझऱ्या.
संगमनेर Live | जोर्वे विविध कार्यकारी सोसायटीचे माजी व्हा. चेअरमन व प्रगतिशील शेतकरी ज्ञानदेव देवराम थोरात यांच्या गाईने काल तीन वासरांना जन्म दिला. त्यामुळे या परिसरात आश्चर्य व कुतुहलाचे वातावरण निर्माण झाले असून अनेक जन ही वासरे पाहण्यासाठी हजेरी लावत आहेत.
संगमनेर रस्त्यालगत असलेल्या थोरात वस्तीवर राहणार्‍या ज्ञानदेव देवराम थोरात हे राज्याचे महसूल मंत्री नामदार बाळासाहेब थोरात यांना माननारे असून प्रगतशील शेतकरी म्हणून परिसरात त्याचा लौकिक आहे. याचबरोबर त्यांनी गायी व दूध धंद्यामध्ये चांगले यश मिळवले आहे. त्यांच्या गाई गोठ्यात आज पाच गाई असून या समृद्ध परंपरेत एका लक्ष्मी गाईने तीन वासरांना जन्म दिल्याने सर्वत्र आश्चर्य व कुतुहल व्यक्त केले जात आहे.
ज्ञानदेव थोरात यांचे चिरंजीव अनिल थोरात हे शेतकी सहकारी संघात मॅनेजर म्हणून यशस्वीपणे काम करत असून सुनील हे चांगले व्यावसायिक आहेत. समृद्धता व सुसंस्कृत कुटुंबाची परंपरा जोपासताना या कुटुंबाने शेतीत कायम नावीन्यपूर्ण दृष्टिकोनातून विविध उपक्रम राबवले आहेत .शेतीला दुग्ध व्यवसायाची जोड देत भरभराट निर्माण करणार्‍या या व्यवसायातून त्यांच्या या गाई ने दिलेल्या तीन वासरांत मुळे आणखी समृद्ध आली आहे.
दरम्यान ही बातमी जोर्वे व परिसरात वार्‍यासारखी पसरतात अनेक बालगोपाळ व दुग्ध व्यवसायातील जाणकारांनी हे तिळे वासरे पाहण्यास गर्दी केली. काळा व पांढरा रंग असलेल्या तीनही वासरांकडे पाहताना प्रत्येकाच्या डोळ्यांमध्ये कुतूहल जाणवत असून यावेळी ज्ञानदेव थोरात म्हणाले की, आखाड मासाचा हा महिना असून यामध्ये झालेली ही तिळे वासरे ही आनंदाची व पूर्वपुण्याई आहे. यांची आपण चांगले संगोपन करणारा असून यांना गंगा, यमुना व सरस्वती हे नाव देण्यात आले आहे. यावेळी उपस्थित समर्थ थोरात, आराध्या थोरात, शौर्य थोरात, बाळू थोरात या बालगोपाळांनी टाळ्यांच्या कडकडाटात या वासरांचे स्वागत केले.
