गुरुवारी संगमनेर तालुक्यात ३७ कोरोना बाधीत रुग्ण.

◻ शहरी भागाला दिलासा तर आश्वी परिसरातील चार गावे पुन्हा बाधीत. 

संगमनेर Live | संगमनेर तालुक्यात गुरुवारी (८ जुलै २०२१) ३७ बाधीत रुग्ण आढळून आले असून आश्वी परिसरातील चार गावात पुन्हा बाधीत रुग्ण आढळून आले आहेत. उंबरी बाळापूर येथे सलग दुसऱ्या दिवशी बाधीताची संख्या वाढल्याने येथिल नागरीकाची धाकधूक वाढली आहे.

गुरुवारी संगमनेर च्या शहरी भागात ३, उंबरी बाळापूर येथे ५, आश्वी बुद्रुक येथे १, पानोडी येथे १, मनोली येथे १, कोकणगाव येथे ४, खराडी येथे १, वाघापूर येथे ३, साकूर येथे ३, निळवंडे येथे १, गुंजाळवाडी येथे २, आंबीखालसा येथे २, खांडगाव येथे १, कौठे बुद्रुक येथे २, म्हसंवडी येथे २, आंबी दुमाला येथे ३, केळेवाडी येथे १ व चिचोंली गुरव येथे १ असे एकून तालुक्यात ३७ कोरोना बाधीत रुग्ण आढळून आले आहेत.

दरम्यान आश्वी परिसरातील उंबरी बाळापूर, आश्वी बुद्रुक, पानोडी व मनोली या गावामध्ये पुन्हा बाधीत ८ रुग्ण आढळल्यामुळे नागरीकानी सोशल डिस्टंसिगंचे पालन करताना मास्क घालने बंधनकारक असून नागरीकानी योग्य ती काळजी घेऊन स्वता:चे व कुटुंबाचे संरक्षण करावे असे आवाहन करण्यात आले आहे.