संगमनेर Live (नेवासे) | लाॅकडाऊनच्या काळामध्ये पवार बंधूंनी बनविलेली फोर व्हीलर गाडी नक्कीच देशाचे पंतप्रधान नरेंद्रभाई मोदी यांच्या संकल्पनेतून तयार झालेल्या मेक इन इंडिया साठी आदर्शवत ठरेल असे गौरवोद्गार नेवासे तालुक्याचे माजी आमदार बाळासाहेब मुरकुटे यांनी निंभारी (ता. नेवासे) येथे जनार्दन पवार यांच्या निवासस्थानी बनविलेल्या गाडीचे उद्घाटनप्रसंगी काढले आहे.
यावेळी अध्यक्षस्थानी खुपटीचे सरपंच गोरक्षनाथ तनपुरे होते. माजी आमदार बाळासाहेब मुरकुटे यांनी यावेळी गाडी बनविणारे जनार्दन पवार यांचे मुलं युवराज व प्रताप हे एक नवनवीन तंत्रज्ञान विकसित करण्यासाठी ते नेहमी खटाटोप असतो आणि ते यशस्वी होत असतात शेतीसाठी लागणारे औजारे तसेच वेग वेगळे साहित्य ते नेहमीच स्वत:च्या संकल्पनेतूनच करत असतात. त्यांचे दोन्ही मुलं युवराज व प्रताप युवराज हा मॅकेनिकल डिप्लोमा तसेच प्रताप दहावीत शिकतो व त्यांचा लहान मित्र चैतन्य मकासरे यांनी दोन महिन्यांत एक यशस्वी चार चाकी गाडी बनविली प्रशंसा करावी तेवढी थोडी आहे. ह्या गाडीचा उपयोग शेतात जाण्यासाठी परीसरात तसेच नेवासे तालुक्यात फिरण्यासाठी होईल. तसेच भविष्यात नक्कीच यापेक्षा या गाडीमध्ये पवार बंधू आधुनिकीकरण करतील यासाठी शुभेच्छा देवून त्यांचा गौरव मा. आ. मुरकुटे यांनी केला.
कार्यक्रमासाठी करजगांवचे सरपंच अशोक टेमक, विनायक पुंड, दत्तात्रय वरुडे, माऊली कालॅ, शिवप्रहार संघटनेचे किशोर जंगले, अंमळनेरचे पोलिस पाटील अनिल माकोणे, बाळासाहेब कोळपे, तसेच निंभारी गावातील सर्व मान्यवर मंडळी मोठ्या संख्येने उपस्थित होते. प्रस्तावीक माजी सरपंच अण्णासाहेब जाधव यांनी केले. तर आभार संजय पवार यांनी मानले.
निंभारी - नेवासे रोडलगत युवराज फर्निचर कारखाना असुन नेहमी शेती उपयोगी साहित्य तसेच नवनवीन तंत्रज्ञान विकसित करुन साहित्य बनवत असतो लाॅकडाऊनच्या काळामध्ये मुलांनी गाडी बनविण्याची संकल्पना मांडली. आमच्याकडे घरी असलेली १५० चीसी पल्सर युवराज व प्रताप व त्यांचा छोटा मित्र चैतन्य यांनी यासाठी बारीक सारीक गोष्टींचा अभ्यास करून सलग दोन महिने झटून अखेर गाडी रोडला धावली यांचा अभिमान नक्कीच वाटतो. यामध्ये बंधू संजय पवार, हरिभाऊ पवार, पांडुरंग पवार यांचे विशेष सहकार्य बरोबरच सर्व निंभारी गावाचे मोठे योगदान असल्याचे जनार्दन पवार यांनी सांगितले.