◻ गावपातळीवर कोव्‍हीड योध्‍यांचा होणार सन्‍मान, आरोग्‍य विषय सामाजिक उपक्रमांचे आयोजन.
संगमनेर Live (लोणी) | पंतप्रधान नरेंद्रजी मोदी यांच्‍या नेतृत्‍वाखाली केंद्र सरकारला ७ वर्ष पुर्ण होत असल्‍याच्‍या पार्श्‍वभूमिवर रविवार दि.३० मे २०२१ पासून सेवा सप्‍ताहाचे आयोजन शिर्डी विधानसभा मतदार संघात करण्‍यात आले आहे. या निमित्‍ताने गावपातळीवर सेवा ही संघटन हा विचार घेवून सेवाभावी उपक्रमाचे आयोजन केले असल्‍याची माहीती आ. राधाकृष्‍ण विखे पाटील यांनी दिली.
या सेवा सप्‍ताहाच्‍या निमित्‍ताने गावपातळीवर कोव्‍हीड योध्‍यांचा कृतज्ञता पुर्वक सन्‍मान, आरोग्‍य विषय सामाजिक उपक्रमांचे आयोजन, गरजू व्‍यक्तिंना रेशन किटचे वितरण तसेच आरोग्‍य विषयक उपाय योजनांसाठी पुढाकार घेण्‍यात येणार आहे. म्‍युकरमायकोसिस आजाराच्‍या पार्श्‍वभूमिवर रुग्‍ण व त्‍यांच्‍या नातेवाईकांना आवश्‍यक ती मदत मिळवून देण्‍यासाठी कार्यकर्त्‍यांनी सहकार्य करावे असे आवाहनही आ. विखे पाटील यांनी कार्यकर्त्‍यांना केले.
कोव्‍हीड संकटात फ्रंट वॉरियर्स म्‍हणून गेल्‍या अनेक वर्षांपासुन आरोग्‍य, महसुल, पोलिस विभागातील कर्मचारी सेवाभावी वृत्‍तीने काम करीत आहेत. त्‍यांच्‍या कार्याची कृतज्ञता या सेवासप्‍ताहाच्‍या निमित्‍ताने व्‍यक्‍त करावा असे आवाहन भारतीय जनता पक्षाचे राष्‍ट्रीय अध्‍यक्ष जे. पी. नड्डा यांनी केले आहे. त्‍यानुसार जिल्‍हाभरातील भारतीय जनता पक्षाचे सर्व कार्यकर्ते सेवाभावी उपक्रमातून जनतेपर्यंत जाणार असल्‍याचे आ. विखे पाटील म्‍हणाले.