◻ भाजपाच्या ओबीसी मोर्चा व सेल मिडीया सेलकडून दूधाचा अभिषेक व पुजा.
संगमनेर Live (सोनगाव) | विखे पाटील कुटुंबियांवर प्रेम असणाऱ्या सोनगाव, सात्रळ व धानोरे पंचक्रोशीतील पदाधिकारी व कार्यकर्त्यानी भाजपचे जेष्ठ नेते आ. राधाकृष्ण विखे पाटील व नगर दक्षिणचे खासदार डाॅ. सुजय विखे पाटील यांच्या प्रकृतीसाठी नुकतेच निझर्णेश्वर येथील महादेवाला नारळ वाहुन दुधाचा अभिषेक करत साकडे घातले आहे.
मागील दोन वर्षापासून सुरू असलेल्या कोरोना कालखंडात तन मन धनाने विखे पाटील कुटुंबियांनी जनतेसाठी सर्वोतोपरी प्रयत्न.केले, अन्नछञ सुरू करून लाॅकडाऊन काळात तळागाळातील प्रत्येक सर्वसामान्य जनतेची भुख भागवली. कोरोनाचे महागडे उपचारापासुन जिल्ह्यातील नागरिकांना ठिक ठिकाणी मोफत कोव्हीड सेंटर उभारून मोफत इलाज करून मोठा दिलासा दिला. जिल्ह्यात कोव्हिडची चाचणी होत नसताना विळद येथील विखे पाटील हाॅस्पीटल मध्ये कोव्हिडची चाचणी उपलब्ध करून देत अनेक सर्वसामान्य रुग्णांना दिलासा मिळवुन नागरिकांची होणारी हेळसांड बंद करण्यासाठी प्रयत्न केले.
राज्य सरकारच्या व प्रशासनाच्या जाचक व अन्यायकारक नियमांच्या विरोधात सर्वसामान्य जनतेच्या बाजुने विखे पाटील कुटुंब कायम उभे राहीले. लोकांच्या सुख दु:खात सहभागी होऊन आधार व प्रेम देण्याचे काम विखे पाटील कुटुंब करत आहेत. स्वतःहा कोरोना पॉझिटीव्ह असुनही आ. राधाकृष्ण विखे पाटील हे लहान मुलांच्या लसीकरणाबाबत पुढाकार घेत आहेत. विखे कुटुंबाला कुटुंबाला या कोरोना रूपी दानवाने विळखा घातल्याने त्यांच्या सह त्यांचे सर्व कुटुंबिय लवकरात लवकर बरे व्हावे यासाठी निझर्णेश्वरच्या महादेवाला साकडे घालण्यात आल्याची माहिती पदाधिकाऱ्यानी दिली.
दरम्यान याप्रसंगी भाजप ओबीसी युवा मोर्चाचे जिल्हा उपाध्यक्ष व सोनगाव चे उपसरपंच किरण अंत्रे, नगर दक्षिण सेल मिडीयाचे रवींद्र दिघे, भाजपा ओबीसी युवा मोर्चाचे जिल्हाचिटणीस बिपीन ताठे, महेश दिघे, अभिजीत कुलकर्णी व पंचक्रोशीतील तरूण कार्यकर्ते उपस्थित होते.