◻ मयत व्यक्ती ही राहुरी तालुक्यातील.
संगमनेर Live | संगमनेर तालुक्यातील निमगावजाळी शिवारातील शेतामध्ये रविवारी सकाळी एका अनोळखी व्यक्तीचा मृतदेह आढळून आला होता. या व्यक्तीला कोणी ओळखत असल्यास आश्वी पोलीसाशी संपर्क करण्याचे आवाहन पोलीस निरीक्षक सुभाष भोये यानी केल्यानतंर आवघ्या काही तासात ही व्यक्ती राहुरी तालुक्यातील रामपुर येथिल असल्याची माहिती पोलिसाना मिळाली.
याबाबत पोलिसांनी दिलेली माहिती अशी की, रविवारी सकाळी १० वाजेच्या सुमारास लोणी - संगमनेर महामार्गावरील निमगावजाळी शिवारातील श्रीरंग संभाजी वदक याच्या गट नंबर १०/३८ मधील हरभरा पिकात ४०ते ४५ वय असलेला एका अनोळखी व्यक्तीचा मृतदेह आढळून आला होता. याबाबतची माहिती कामगार पोलीस पाटील दिलिप डेगंळे यानी आश्वी पोलीस स्टेशनला कळवली होती. माहिती मिळताच पोलीस निरीक्षक सुभाष भोये व त्याच्या सहकाऱ्यानी घटनास्थळी धाव घेतली.
यावेळी हवालदार आर. बी. भाग्यवान, दैमिवाळ, पोलीस पाटील दिलिप डेगंळे तसेच साहेबराव खरात, बाळासाहेब कोल्हे, मनोज आरगडे, बाबासाहेब डेगंळे आदि स्थानिकाच्या मदतीने मृतदेह पुढील कारवाईसाठी संगमनेर येथिल रुग्णालयात पाठवण्यात आला होता. यावेळी डॉक्टरांनी मृतदेहाची तपासणी केली असता त्या व्यक्तीचा मृत्यू हा ह्रदयविकाराच्या धक्क्याने झाल्याचे सांगितले.
दरम्यान पोलीस निरीक्षक सुभाष भोये यांच्या मार्गदर्शनाखाली हवालदार आर. बी. भाग्यवान हे पुढील तपास करत असताना मयत व्यक्तीचे नाव राजेद्रं बबन आवटी (वय -४६) असून राहुरी तालुक्यातील रामपुर येथिल असल्याची माहिती पोलिसाना मिळाली. त्यामुळे पोलिसांनी उत्तरणीय तपासणीनतंर मृतदेह नातेवाईकाच्या ताब्यात दिला असल्याचे सांगितले आहे.