◻️ सत्ताधारी गटाला छंत्री तर विरोधी गटाला रिक्षा चिन्ह
◻️ १३ नोव्हेंबर रोजी मतदान प्रक्रिया पडणार पार
संगमनेर Live | संगमनेर तालुक्यातील आश्वी बुद्रुक येथिल जिल्हा कार्यक्षेत्र असलेल्या अश्विनी ग्रामीण बिगरशेती सहकारी पंतसंस्थेच्या ११ जागासाठी संचालक मंडळाची निवडणूक प्रक्रिया नुकतीचं जाहीर झाली होती. सोमवारी म्हणजे माघारीच्या दिवशी (३१ ऑक्टोबर) ११ जागासाठी २२ अर्ज शिल्लक राहिल्याने सत्ताधारी व विरोधी अशा दोन गटात एकास एक उमेदवार असल्याने दुरंगी लढती होणार असल्याचे स्पष्ट झाले आहे.
१९८५ साली स्थापन झालेली अश्विनी ग्रामीण बिगरशेती सहकारी पंतसंस्था ही आश्वी सह पंचक्रोशीतील शेतकरी, दूध उत्पादक, लहान-मोठे उद्योजक, व्यावसायिक, दुकानदार, शेतमजूर, बचत गट याना अर्थ पुरवठा करणारी कामधेनू म्हणून मागील ३७ वर्षापासून ओळखली जाते. आश्वी बुद्रुक येथे संस्थेची स्वमालकीची भव्य इमारत असून संस्थेचे १ हजार ५८४ सभासद आहेत. संस्थेकडे तब्बल १६ कोटीच्या ठेवी असून संस्थेने ९ कोटी रुपये कर्ज वितरण केले आहे. संस्थेचे आश्वी बुद्रुक येथे मुख्य कार्यालय व शाखा असून आश्वी खुर्द, शेडगाव व पिप्रीं लौकी अजमपूर याठिकाणी संस्थेने शाखाविस्तार केला असल्याने लोकाच्या विश्वासास संस्था पात्र ठरली आहे.
नुकतीचं संस्थेच्या संचालक मंडळाची पंचवार्षिक निवडणूक प्रक्रिया जाहीर झाली होती. यावेळी सत्ताधारी गटाकडून माजी पंचायत समिती सदंस्य निवृत्ती तथा गुलाबराव सांगळे व मेजर संपतराव सांगळे यांच्या मार्गदर्शनाखाली
सर्वसाधारण प्रवर्गातील सहा जागासाठी विनित दिलीप गांधी, सखाहरी बाबुराव नागरे, तुळशीराम चांगदेव म्हस्के, भाऊसाहेब लक्ष्मण लावरे, वसंत धोडींबा वर्पे, संपत बाबुराव सांगळे हे उमेदवारी करणार आहेत.
तसेच इतर मागास प्रवर्गातील एका जागेसाठी हरिभाऊ दत्तु ताजणे, अनुसूचित जाती, जमाती प्रवर्गातील एका जागेसाठी भगवान गोधाजी खामकर, महिला राखीव प्रवर्गातील दोन जागासाठी कल्पना गोवर्धन बोद्रें, पुष्पा बाळासाहेब भवर, वि.जा.भ.ज. प्रवर्गातील एका जागेसाठी राजेद्रं लहानु गिते हे उमेदवारी करणार आहेत.
तर दुसऱ्या विरोधी गटाकडून संस्थेच संस्थापक गंगाधर आंधळे व मुरलीधर बजाबा आंधळे यांच्या मार्गदर्शनाखाली
सर्वसाधारण प्रवर्गातील सहा जागासाठी विलास मुरलीधर आंधळे, भिका पंढरीनाथ गिते, रघुनाथ गजाबा जाधव, कैलास किसन नागरे, हौशीराम बाबुराव फड, राजेद्रं बबन बोद्रें हे उमेदवारी करणार आहेत.
तसेच इतर मागास प्रवर्गातील एका जागेसाठी रामदास पांडुरंग ताजणे, अनुसूचित जाती व जमाती प्रवर्गातील एका जागेसाठी संपत देवजी कदम, महिला राखीव प्रवर्गातील दोन जागासाठी वैशाली बबन शिदें व लिला कैलास नागरे, वि.जा.भ. प्रवर्गातील एका जागेसाठी भानुदास सखाराम आंधळे हे उमेदवारी करणार असल्याचे स्पष्ट झाले आहे.
दरम्यान संस्थेच्या संचालकपदासाठी १३ नोव्हेंबर रोजी मतदान प्रक्रिया पार पडणार असून बाहेरील मतदान या निवडणूकीत निर्णायक भुमिका बजावेल असा अंदाज वर्तवला जात आहे. एकास एक उमेदवार असल्याने दोन्ही गटाकडून प्रचारादरम्यान जोरदार आरोप प्रत्याआरोप केला जाण्याचे चित्र असून यात बाजी कोण मारणार हे निकालानतंरचं स्पष्ट होणार आहे.
