◻️ दोन महिन्यापूर्वी इंडस्ट्री एक्सलन्स हा राष्ट्रीय पातळीवरील पुरस्कार मिळाला
संगमनेर LIVE | काँग्रेसचे माजी प्रदेशाध्यक्ष व विधिमंडळ पक्ष नेते आमदार बाळासाहेब थोरात यांच्या मार्गदर्शनाखाली कार्यरत असणाऱ्या सहकार महर्षी भाऊसाहेब थोरात सहकारी साखर कारखान्याचे कार्यकारी संचालक जगन्नाथ भाऊराव घुगरकर यांची राष्ट्रीय पातळीवरील को जनरेशन असोसिएशन ऑफ इंडिया च्या संचालकपदी बिनविरोध निवड झाली आहे.
स्वातंत्र्यसेनानी सहकार महर्षी भाऊसाहेब थोरात यांच्या आदर्श शिस्तीवर वाटचाल करणाऱ्या या कारखान्याने आमदार बाळासाहेब थोरात यांच्या मार्गदर्शनाखाली देशातील सहकारासाठी दिशादर्शक काम केले आहे. मागील हंगामात १५ लाख ५३ हजार मे. टनाचे उच्चांकी गाळप करताना दरवर्षी सातत्याने विक्रमी भाव दिला आहे.
याचबरोबर आमदार बाळासाहेब थोरात यांच्या नेतृत्वाखाली पुढील पन्नास वर्षाचे नियोजन करून या कारखान्याने ५५०० मे. टन क्षमता व ३० मेगा वॅट वीज निर्मितीचा नवीन प्रकल्प कार्य सुरु केला आहे. हा प्रकल्प सहकारातील कारखानदारीसाठी मार्गदर्शक ठरला आहे. कारखाना कामकाज, व्यवस्थापन, कामगार कल्याण, सभासद ,शेतकरी या सर्वांच्या बरोबर समन्वय आणि उत्कृष्ट गुणवत्ता यामुळे जगन्नाथ घुगरकर यांना दोन महिन्यापूर्वी इंडस्ट्री एक्सलन्स हा राष्ट्रीय पातळीवरील पुरस्कार मिळाला होता.
नुकताच को जनरेशन असोसिएशन ऑफ इंडियाच्या पंचवार्षिक संचालक पदी थोरात कारखान्याचे कार्यकारी संचालक जगन्नाथ घुगरकर यांची निवड झाली आहे त्यांच्या या निवडीने संगमनेरच्या सहकाराच्या शिरपेचात आणखी एक मानाचा तुरा रोवला आहे.
जगन्नाथ घुगरकर यांच्या या निवडीबद्दल विधिमंडळ पक्षनेते आमदार बाळासाहेब थोरात, मा. आ. डॉ. सुधीर तांबे, आमदार सत्यजित तांबे, बाजीराव खेमनर, ॲड. माधवराव कानवडे, कारखान्याचे चेअरमन बाबासाहेब ओहोळ, सौ. दुर्गाताई तांबे, इंद्रजीत थोरात, कॅन्सरतज्ञ डॉ. जयश्रीताई थोरात, रणजीत सिंह देशमुख, सुधाकर जोशी, संपतराव डोंगरे, शंकर खेमनर, लक्ष्मणराव कुटे, कारखान्याचे सर्व संचालक, व्हाईस चेअरमन संतोष हासे, सेक्रेटरी किरण कानवडे यांचेसह सर्व विभाग प्रमुख, अधिकारी, सभासद शेतकरी व कर्मचाऱ्यांनी अभिनंदन केले आहे.