◻️ चार प्रभागातून ११ उमेदवार नशिब आजमावणार
◻️ आरक्षण बदलाने अनेकाचा अपेक्षा भंग झाल्यामुळे ‘कही खुशी कही गम’ चे वातावरण
◻️ आश्वी खुर्द ग्रामपंचायतीवर महिला राज येणार
संगमनेर LIVE | शिर्डी विधानसभा मतदार संघातील व संगमनेर तालुक्यातील अतिशय महत्वाच्या व प्रतिष्ठेच्या समजल्या जाणाऱ्या आश्वी खुर्द ग्रामपंचायत पंचवार्षिक निवडणूकीसाठीची अतिंम प्रभाग रचना नुकतीच विशेष ग्रामसभा बोलावून नुकतीच जाहीर करण्यात आली. यावेळी चार प्रभागातून ११ उमेदवार नशिब आजमावणार असले तरी आरक्षण बदलल्याने निवडणूक लढवण्याची इच्छा बाळगून असलेल्या अनेकाचा अपेक्षा भंग झाल्यामुळे ‘कही खुशी कही गम’ चे वातावरण पहावयास मिळत आहे.
याबाबत समजलेली माहिती अशी की, मागील वर्षांपूर्वी दोन वर्ष जागतिक कोविड-१९ चे संकट उध्दभवल्याने सर्व निवडणूकाना सरकारने स्थगित ठेवत मुदत संपलेल्या ग्रामपंचायतीवर प्रशासकाची नेमणूक केली होती. मागील वर्षापासून जनजीवन पुर्वपदावर येऊ लागल्याने रखडलेल्या ग्रामपंचायतीच्या निवडणूका टप्प्यात - टप्प्याने घेण्यास सुरवात केली आहे. त्यानुसार आश्वी ग्रामपंचायतीची मुदत संपून १ वर्ष उलटल्याने गावाला निवडणूकीची वेध लागले आहे. तर प्रशासकीय स्तरावर याबाबत हालचाली सुरु झाल्या असून ग्रायपंचायत निवडणूकीसाठी आवश्यक असलेल्या अतिम प्रभाग रचनेची प्रक्रिया विशेष ग्रामसभेच्या माध्यमातून नुकतीच पार पडली आहे.
यावेळी मंडळ अधिकारी श्रीमती पवार, ग्रामविकास अधिकारी प्रविण इल्हे, कामगार तलाठी भालचिन यांच्या उपस्थितीत विशेष ग्रामसभेचे आयोजन करण्यात आले होते. मिळालेल्या माहितीनुसार आश्वी खुर्द गावची लोकसंख्या ४ हजार ३२२ असून निवडणूकीसाठी येथे चार प्रभाग करण्यात आले आहेत. यावेळी घड्याळाच्या काट्याप्रमाणे दर पाच वर्षाला बदलत जाणारे ११ जागांसाठी प्रभाग निहाय आरक्षण सोडती काढण्यात आल्या आहेत, त्या पुढील प्रमाणे..
प्रभाग क्रमांक १ मध्ये असलेल्या २ जागापैकी १ जागा अनुसूचित जाती प्रवर्ग महिलेसाठी तर दुसरी जागा ही नागरीकांच्या मागास प्रवर्गातील महिलेसाठी आरक्षित करण्यात आली.
प्रभाग क्रमांक २ मध्ये असलेल्या ३ जागापैकी १ जागा अनुसूचित जाती प्रवर्ग व्यक्तीसाठी, दुसरी जागा सर्वसाधारण प्रवर्ग व्यक्तीसाठी तर तिसरी जागा सर्वसाधारण प्रवर्गातील महिलेसाठी आरक्षित करण्यात आली आहे.
प्रभाग क्रमांक ३ मध्ये असलेल्या ३ जागापैकी १ जागा सर्वसाधारण प्रवर्गातील व्यक्तीसाठी तर दोन जागा या सर्वसाधारण प्रवर्गातील महिलांसाठी आरक्षित करण्यात आल्या आहेत.
प्रभाग क्रमांक ४ मध्ये असलेल्या ३ जागापैकी १ जागा नागरिकांचा मागास प्रवर्ग असलेल्या व्यक्तींसाठी, दुसरी जागा ही सर्वसाधारण प्रवर्गासाठी तर तिसरी जागा ही अनुसूचित जमाती प्रवर्गातील महिलेसाठी आरक्षित करण्यात आली आहे.
दरम्यान या विशेष ग्रामसभेसाठी पद्मश्री डॉ. विखे पाटील कारखान्याचे संचालक डॉ. दिनकर गायकवाड, माजी उप सरपंच संजय गायकवाड, सुनील मांढरे, विजय गायकवाड, सुयोग सोनवणे, दिपक सोनवणे, अमोल मुन्तोडे, प्रदीप वाल्हेकर, संतोष भडकवाड, सोपान सोनवणे, विकास गायकवाड, बाबासाहेब भोसले, अक्षय बर्डे, रविंद्र बर्डे, मोहित गायकवाड, पुरुषोत्तम भवर, दत्ता गायकवाड, माणिक भवर, संपतराव भोकरे, रमेश पवार, फकिरा मोरे आदीसह ग्रामस्थ मोठ्या संख्येने उपस्थित होते.
आश्वी खुर्द ग्रामपंचायतीचे लोकनियुक्त सरपंच पद हे यापुर्वीच काढण्यात आलेल्या सोडतीत सर्वसाधारण गटातील महिलेसाठी आरक्षित झाले. तर नुकत्याचं झालेल्या प्रभाग रचनेनुसार सदस्य पदाच्या ११ जागापैकी ६ जागा सुध्दा महिलां उमेदवारासाठी आरक्षित झाल्यामुळे ग्रामपंचायत निवडणुकीनतंर महिला राज येणार असल्याचे स्पष्ट झाले आहे. त्यामुळे ना. विखे पाटील व आ. थोरात गटाचे कार्यकर्ते उमेदवार शोधण्याच्या कामाला लागल्याचे चित्र पहावयास मिळत आहे.
