◻️ महसूल मंत्री राधाकृष्ण विखे पाटील यांची विधानसभेत माहिती
संगमनेर LlVE (मुंबई) | पालघर जिल्ह्यात १५० खाटांचे रुग्णालय प्रस्तावित असून येत्या १५ दिवसांत त्यासाठी राज्य विमा कामगार मंडळास जागा वर्ग करण्याची आवश्यक कार्यवाही करण्यात येईल, अशी माहिती महसूल मंत्री राधाकृष्ण विखे पाटील यांनी विधानसभेत दिली.
सदस्य राजेश पाटील यांनी यासंदर्भात लक्षवेधी सूचना मांडली होती.
मंत्री विखे पाटील म्हणाले की, राज्य विमा कामगार मंडळाच्या प्रस्तावित रुग्णालयासाठी बोईसर औद्योगिक क्षेत्रानजिकची पाच एकर जागा उपलब्ध करून देण्याबाबत परिपूर्ण प्रस्ताव सादर करण्याबाबत जिल्हाधिकारी, पालघर यांना कळविण्यात आले होते. विभागीय आयुक्त यांच्यामार्फत तो प्रस्ताव प्राप्त झाल्यावर तत्काळ कार्यवाही करण्यात येईल.
दरम्यान यावेळी झालेल्या चर्चेत सदस्य आशिष शेलार, मनीषा चौधरी व प्राजक्त तनपुरे यांनी सहभाग घेतला.
