◻️ सायबर भामट्याने तरुणांच्या नावावर काढले ऑनलाईन कर्ज
◻️ क्रेडिट कार्डच्या माध्यमातून केली हजारो रुपयांची खरेदी
संगमनेर LIVE | संगमनेर तालुक्यातील शेडगाव येथील रंगनाथ भिमा फड या ३३ वर्षीय तरुणाच्या नावावर सायबर भामट्या तब्बल २ लाख ५५ हजाराचे ऑनलाईन कर्ज व क्रेडिट कार्डच्या माध्यमातून २६ हजारांची खरेदी करत फसवणुक केली आहे. बॅकेने या तरुणाला कर्जाचा हप्ता भरण्यासाठी फोन केल्यानतंर ही फसवणूकीची घटना उजेडात आल्यानंतर मोठी खळबळ उडाली आहे.
याबाबत फसवणूक झालेल्या उच्चशिक्षित रंगनाथ फड तरुणाने दिलेली माहिती अशी की, काही वर्षापूर्वी हा तरुण मुंबई येथील अंधेरी परिसरात खाजगी सुरक्षा रक्षकाचे काम करत होता. परंतू तीन वर्षांपूर्वी आलेल्या कोविड - १९ या जागतिक आरोग्य संकटात त्याला आपली नोकरी गमवावी लागली होती.
हा तरुण वर्षभरापासून शेडगाव (ता. संगमनेर) या आपल्या मुळ गावी राहत आहे. काही दिवसांपूर्वी म्हणजे २३ जून २०२३ ला त्याला मोबाईल वर फोन आला व तुम्ही मुंबई येथे कामाला होता व त्यावेळी तुमचे असलेल्या बॅक खात्याचे केवायसी करायचे असल्याने आधार नंबर मागितला. त्या व्यक्तीने दिलेली माहिती बरोबर असल्यामुळे या तरुणाचा त्याच्या बोलण्यावर विश्वास बसला. त्यामुळे त्याला खाते नंबर, आधार नंबर व पॅनकार्ड नंबर देऊन आलेला ओटी नंबर देखिल सांगितला होता. यानंतर शेडगाव येथील पत्त्यावर बॅकेचे क्रेडिट कार्ड देखिल आले होते.
नुकताचं बॅकेच्या पुणे कार्यालयातून कर्जाचा हप्ता भरण्यासाठी फोन आल्यामुळे या तरुणांच्या पायाखालची जमीनच सरकली होती. आपण कोणत्याही प्रकारचे कर्ज घेतले नसताना हा हप्ता कशासाठी भरायचा याबाबत तरुणाने बॅकेकडे चौकशी केली असता नेट बॅकिंग द्वारे २ लाख ५५ हजाराचे पर्सनल लोन तसेच क्रेडिट कार्डवरून २६ हजार रुपयेची खरेदी केल्याची धक्कादायक माहिती समोर आली.
त्यामुळे २ लाख ८१ हजाराची मोठी आर्थिक फसवणूक झाल्याची खात्री या तरुणाची झाल्यामुळे त्यांने आश्वी पोलीस ठाणे व नंतर नगर येथील सायबर विभागाला फसवणूकीबाबत माहिती व कारवाई बाबत निवेदन दिले असल्याची माहिती दिली आहे.
