संगमनेर येथे जेष्ठ व कट्टर शिवसैनिकाना ‘निष्ठा पुरस्काराचे’ वितरण!

संगमनेर येथे जेष्ठ व कट्टर शिवसैनिकाना ‘निष्ठा पुरस्काराचे’ वितरण!

◻️ अमर कतारी यांच्या संकल्पनेतून निष्ठावंत शिवसैनिकांचा सन्मान 

◻️ प्रभू श्रीरामाची प्राणप्रतिष्ठेचे औचित्य साधून प्रभू श्रीरामाची आरती व स्रोत पठण

संगमनेर LIVE | शिवसेनेसाठी घरादारावर तुळशीपत्र ठेवून आयुष्यभर निष्ठा जपणाऱ्या शिवसैनिकांचा आणि कधीही प्रसिद्धीच्या झोतात न येता निष्ठपुर्वक काम करणाऱ्या शिवसैनिकांचा सन्मान होणे गरजेचे असून त्यांचा सन्मान होऊन फितुरीतून तावून सुलाखून निघालेल्या शिवसेनेला नक्कीच चांगले दिवस येतील ये हेतुने शिवसेनेचे माजी शहरप्रमुख व हिंदुहृदयसम्राट वंदनीय बाळासाहेब ठाकरे मित्र मंडळाचे संस्थापक अमर कतारी यांनी निष्ठा पुरस्काराचे आयोजन केले होते. 

या पुरस्कार सोहळ्या करता युवासेना विस्तारक मितेश साटम, अजय व्हनोळे, विधानसभा संपर्कप्रमुख सूर्यकांत शिंदे आणि महिला आघाडी जिल्हा प्रमुख सपनाताई मोरे उपस्थित होते. 

शिर्डी लोकसभा मतदारसंघात १९८० पासून कोपरगाव येथे शिवसेनेचे काम करणारे, पक्षाची बाजू मीडिया - सोशल मीडियावर भक्कमपणे मांडणारे मराठी चित्रपट लेखक, निर्माते भारत मोरे, अकोले सारख्या दुर्गम आदिवासी तालुक्यात शिवसेनेचे काम वाढवणारे व स्वखर्चाने प्रत्येक निवडणूक लढवणारे ज्येष्ठ शिवसैनिक प्रभाकर फापाळे, महिला आघाडीच्या माध्यमातून प्रभावीपणे काम करणाऱ्या शिवसेना महिला आघाडी तालूकप्रमुख शितलताई हासे, युवासेनेच्या माध्यमातून युवकांचे मोठे संघटन उभारणारे तळेगाव येथील सागर भागवत, विद्यार्थी सेनेच्या काळापासून शिवसेनेचे काम करणारे व स्वतः दिव्यांग असूनही शिवसेनेच्या प्रत्येक उपक्रमात सहभागी होऊन शिवसैनिकांना प्रेरणा देणाऱ्या गणेश धात्रक यांचा सन्मान निष्ठा पुरस्कार देऊन करण्यात आला. त्यासोबतच सावरगाव येथील ज्येष्ठ शिवसैनिक सुनील घुले, मालदाड येथील कैलास नवले, घारगांव येथील रंगनाथ फटांगरे व संगमनेर शहरातील आसिफ तांबोळी आणि कांचन गायकवाड यांचा विशेष उल्लेखनीय निष्ठा पुरस्कार देऊन सन्मान करण्यात आला. 

यावेळी मान्यवरांनी आपले मनोगत व्यक्त केले. अमर कतारी यांच्या सारखे नेतृत्त्व प्रत्येक शहरात शिवसेनेला लाभले तर शिवसेना नक्कीच अधिक बळकट होईल असे बोलतांना लवकरच अमर कतारी यांना  भावी कार्यासाठी शुभेच्छा अजय व्हनोळे यांनी दिल्या. माजी शहरप्रमुख असतांना देखिल शेकडो शिवसैनिकांना एकत्र आणत त्यांनी आजवर केलेले कार्य उल्लेखनीय असल्याचे सांगत संगमनेर येथील शिवसैनिक व युवासैनिकांचे कौतुक मितेश साटम यांनी केले. सूर्यकांत शिंदे यांनी देखील आपले मनोगत व्यक्त करत पुरस्कार्थींचे अभिनंदन केले. यावेळी शिवसेनेचे उत्तर नगर जिल्हा प्रमुख रावसाहेब खेवरे यांनी देखील कार्यक्रम स्थळी धावती भेट देऊन शुभेच्छा व सदिच्छा दिल्या तसेच उपक्रमाचे कौतुक करीत निष्ठावंत पुरस्कारार्थी शिवसैनिकांना शुभेच्छा दिल्या व पठार भागातील पंकज पडवळ यांचा शिवसेनेत जाहीर प्रवेश देखील करून घेतला.

२२ जानेवारी रोजी अयोध्या येथे श्रीरामाची प्राणप्रतिष्ठा निमित्त स्त्रोत पठण कार्यक्रम घेऊन प्रभू श्रीरामाची आरती करण्यात आली व हिंदू हृदय सम्राट सरसेनापती बाळासाहेब ठाकरे यांच्या जयंतीनिमित्त त्यांना पुष्पहार अर्पण करून अभिवादन करण्यात आले

यावेळी युवासेना जिल्हा समन्वयक फैसल सय्यद, युवासेना जिल्हाप्रमुख अमित चव्हाण, युवासेनेचे गोविंद नागरे, वैभव अभंग, अक्षय बिल्हाडे, अमोल डुकरे, अक्षय गाडे, शहर संघटक पप्पू कानकाटे, निवड समितीचे दीपक साळुंके, व्यापारी आघाडीचे संभव लोढा, रिक्षा सेनेचे अशोक बढे, भगवान पोपळघट, महिला आघाडीच्या संगीताताई गायकवाड, आशाताई केदारी कोपरगाव येथील शहर संघटिका राखीताई विसपुते, एकनाथ खेमनर, योगेश खेमनर, लखन सोन्नर, गुलाब कोकाटे, अमित फटांगरे, रंगनाथ फटांगरे, अनिल खेमनर, शरद कवडे, गोपाल लाहोटी, भीमा अनाप, मुकेश काटे, वाहतूक सेनेचे शहर प्रमुख इम्तियाज शेख, शिव आरोग्य सेनेचे आजीज भाई मोमीन (मुस्लिम मावळा), जयदेव यादव, जितेंद्र दर्वे, प्रवीण चव्हाण, आसिफ तांबोळी, लखन घोरपडे, अनुप म्हाळस, नील नाकील, प्रशांत खजुरे, त्रिलोक कतारी, ओमकार सस्कर, माधव फुलमाळी, प्रशांत कापुरे, प्रकाश चोथवे सागर यांच्यासह अनेक ज्येष्ठ शिवसैनिक, पदाधिकारी उपस्थित होते. 

दरम्यान यावेळी अमर कतारी यांनी प्रास्तवीक केले तर प्रथमेश बेल्हेकर यांनी सूत्रसंचलन केले.