पोलिस उपनिरिक्षक पदी निवड झाल्याबद्दल अनिल अलवाल यांचा सत्कार
◻️ अनिल अलवालने परिवाराचे नाव उंचावले - प्रा. भानुदास बेरड
संगमनेर LIVE (नगर/निशांत दातीर) | पद्मशाली समाजातील कष्टकरी कुटूंबातील आणि बिडी कामगाराचा मुलगा अनिल जगन्नाथ अलवाल याने महाराष्ट्र लोकसेवा आयोगामार्फत २०२१ मध्ये घेण्यात आलेल्या पोलिस उपनिरिक्षक पदावर मिळवलेले यश निश्‍चितच परिवारचे मान उंचवणारे असल्याचे प्रतिपादन भारतीय जनता पार्टीचे प्रदेश कार्यकारीणी सदस्य प्रा.भानुदास बेरड यांनी व्यक्त केले.
फिनिक्स फाऊंडेशनच्या वतीने पोलिस उपनिरिक्षक अनिल अलवाल यांचा सत्कार करण्यात आला. यावेळी भानुदास बेरड बोलत होते. याप्रसंगी फिनिक्स फाऊंडेशनचे अध्यक्ष जालिंदर बोरुडे, श्री मार्कंडेय महामुनी युवा प्रतिष्ठानचे अध्यक्ष शुभम सुंकी, पुण्यश्‍लोक अहिल्याबाई होळकर युवा ग्रामविकास प्रबोधिनीचे अध्यक्ष निशांत दातीर, प्रेस फोटोग्राफर राजु खरपुडे, संतोष जाधव, पद्मशाली सोशल फाऊंडेशनचे उपाध्यक्ष श्रीनिवास बुरगुल, आनंद भागानगरे, गणेश भागानगरे आदि उपस्थित होते.
पुढे बोलताना प्रा. भानुदास बेरड म्हणाले कि, गेल्या चार दशकांपासून मार्कंडेय विद्यालयाच्या माध्यमातून पद्मशाली समाजाशी नात जुळलेलं आहे. अत्यंत कष्टकरी व प्रमाणिक असलेल्या या समाजाचे अनेक तरुण शासकीय सेवत रुजू झाले आहेत. संघटित असणार्‍या या समाजाची प्रगती निश्‍चितच कौतुकास्पद असून इतर समाजाने या समाजाचा बोध घेवुन आपल्या समाजातील तरुण तरुणींसाठी अभ्यासीका व मार्गदर्शक केंद्र सुरु करावे, असे ते म्हणाले.
फिनिक्स फाऊंडेशनचे अध्यक्ष जालिंदर बोरुडे म्हणाले कि, अनिल अलवाल यांचे यश म्हणजे अथक परिश्रमाचे फळ आहे. स्पर्धा देत असताना संयम बाळगावा लागतो आणि संघर्ष ही करावा लागतो. गेल्या सात वर्षापासून एमपीएसपी परीक्षा ते देत होते. आणि २०२१ ला त्यांना या परिक्षेत यश मिळाले संयम आणि संघर्ष केल्यामुळेच त्यांनी हे यश मिळवले असल्याचे ते म्हणाले.
दरम्यान या कार्यक्रमाचे सुत्रसंचालन श्रीनिवास बुरगुल यांनी केले तर आभार शुभम सुंकी यांनी मानले.