गॅस गळतीमुळे लागलेल्या आगीत नऊ जणासह चार जनावरे होरपळली!
◻️ एकरुखे शिवारातील घटना ; दैव बलवत्तर म्हणून जीवित हानी टळली
◻️ सौ. शालिनीताई विखे पाटील यांनी रुग्णालयात जाऊन केली जखमींची विचारपूस
संगमनेर LIVE (राहाता) | नविन गॅस टाकी जोडण्यासाठी टाकीला लावलेले पांढरे झाकन उघडले असता त्यातुन मोठ्या प्रमाणात गॅस गळती सुरु झाली. ही बाब लक्षात आल्यानंतर गॅस गळती रोखण्याचा प्रयत्न केला. मात्र गॅस गळती सुरुच राहील्याने सुरक्षितता म्हणुन त्यांनी गॅस टाकी घराबाहेर असलेल्या पाण्यात फेकली.
परंतु गॅसची मोठ्या प्रमाणात गळती झाल्यामुळे हा गॅस थेट घराबाहेर असलेल्या चुलीपर्यत पोहचला व आगीचा भडका उडाला त्यामुळे आस पास असलेले नऊ जण आणि चार जनावरे होरपळ्याची धक्कादायक घटना राहाता तालुक्यातील एकरुखे गावातील भाऊसाहेब वायकर यांच्या घरी घडली.
या आगीमध्ये भाऊसाहेब वायकर, सुरेश वायकर, विमल वायकर, अनुजा वायकर, सृष्टी वायकर, नारायण वायकर, विनया वायकर, पुजा विप्रदास, यश विप्रदास हे नऊ जन होरपाळले आहेत. त्यांच्यावर प्रवरा ग्रामिण रुग्णालयात उपचार सुरु आहेत.
तसेच या आगीमध्ये होरपळलेल्या जनावरावर देखील राहाता येथिल पशु वैद्यकीय अधिकारी डॉ. सचिन वेंदे व पशु वैद्यकीय अधिकारी डॉ. नितिन निर्मळ यांनी त्वरीत घटनास्थळी येत उपचार केले आहेत. तर यामध्ये भाऊसाहेब वायकर हे गँस गळती होत असलेले सिलेंडर घरा बाहेर फेकण्याचा प्रयत्न करत असतांना त्यांचा पाय अडकल्याने त्यांचा पाय मोडला असुन त्यांच्यावर देखील लोणीत उपचार सुरु आहेत.
दरम्यान जिल्हा परिषदेच्या माजी अध्यक्षा सौ. शालिनीताई विखे पाटील यांनी या जखमींची त्वरीत रुग्णालयात जावुन भेट घेत वैद्यकीय अधिकाऱ्यांशी चर्चा करुन जखमींच्या प्रकृती विषयी माहीती घेतली.
याप्रसंगी एकरुखे गावचे सरपंच जितेंद्र गाढवे, गणेश कारखान्याचे संचालक अनिल गाढवे, कृषी उत्पन्न बाजार समीतीचे संचालक जालिंदर गाढवे, कृषी उत्पन्न बाजार समीतीचे माजी संचालक देवेंद्र भवर, सोपान कासार, अनिल गाढवे, विनोद गाढवे, राजेंद्र वायकर, विजय वायकर यांनी घटनास्थळी त्वरीत येवुन जखमींना उपचारासाठी हलविण्यास मदत केली. त्यामुळे या घटनेत कोणतीही जीवितहानी झाली नाही.