अरुण महाराज शिर्के “कळस वारकरी भूषण २०२४” पुरस्काराने सन्मानित
◻️ ह.भ.प. निवृत्ती महाराज देशमुख (इंदुरीकर) यांच्या हस्ते पुरस्काराचे वितरण
संगमनेर LIVE (कळस) | धार्मिक आणि भागवत धर्म प्रसार कार्यात किर्तन व प्रवचन या द्वारे कळस गावचे नावलौकिक वाढल्याबद्दल ह.भ.प. अरुण महाराज शिर्के यांना “कळस वारकरी भूषण २०२४” पुरस्कार समाज प्रबोधनकार ह.भ.प. निवृत्ती महाराज देशमुख (इंदुरीकर) यांचे हस्ते देऊन सन्मानित करण्यात आले.
कळस बुद्रुक ग्रामपंचायत व समस्त ग्रामस्थ, कळसेश्वर भजनी मंडळ यांचे वतीने जिल्हा परिषदचे माजी सभापती कैलासराव वाकचौरे यांच्या मार्गदर्शनाने व सरपंच राजेंद्र गवांदे व माजी सरपंच भाऊसाहेब वाकचौरे यांच्या संकल्पनेतून हा पुरस्कार सुरु करण्यात आला आहे.
अरुण महाराज शिर्के यांची घरची परिस्थिती बेताची असली तरी वडिलांच्या संस्कारातून त्यांना धार्मिक कार्याची गोडी लागली होती. त्या काळात आळंदी येथे शिक्षण घेण्याची आर्थिक परिस्थिती नव्हती, मात्र माधुकरी मागून जोग वारकरी शिक्षण संस्थेत धार्मिक शिक्षण पूर्ण केले. संगीत विशारद पदवी प्राप्त केले. त्यानंतर महाराष्ट्र भर किर्तनाच्या माध्यमातून कळस गावच नावलौकिक त्यांनी वाढवला. त्यामुळे त्यांना हा पुरस्कार देण्यात आला आहे.
या कार्यक्रमाचे स्वागत व प्रास्ताविक जयकिसान दूध संस्थेचे चेअरमन भाऊसाहेब वाकचौरे यांनी केले. मानपत्राचे वाचन अगस्ती देवस्थान ट्रस्टचे विश्वस्त दिपक महाराज देशमुख यांनी केले. आभार अगस्ती देवस्थान ट्रस्टचे विश्वस्त गणेश महाराज वाकचौरे यांनी मानले. यावेळी गानकोकिळ किरण महाराज शेटे, मृदुंगाचार्य संकेत महाराज आरोटे, नितीन महाराज गोडसे, कळसेश्वर देवस्थान ट्रस्टचे विश्वस्त देवराम महाराज वाकचौरे, गंगा बाबा वाकचौरे, सूर्यकांत ढगे, सिताराम वाकचौरे, संभाजी वाकचौरे, उपसरपंच केतन वाकचौरे, नामदेव निसाळ, सागर वाकचौरे, गणेश रेवगडे, गोरख वाकचौरे, रावसाहेब वाकचौरे, अमित वाकचौरे आदी उपस्थित होते.
तरुण वारकरी यांना संप्रदायचे कार्य करण्यासाठी प्रोत्साहन देण्याचा उपक्रम स्तुत्य असून त्याचा फायदा नवीन पिढी भक्ती मार्गात येईल. असे ह.भ.प. निवृत्ती महाराज देशमुख (इंदुरीकर) यावेळी म्हणाले.
जन्मभूमीत सन्मान होण हे भाग्याची गोष्ट असून ते गणेश महाराज व अरुण महाराज यांना लाभले ग्रामपंचायतचे सरपंच व त्यांचे सहकारी हा उपक्रम राबवितात ही भूषणावंह गोष्ट असल्याची भावना पांडुरंग महाराज गिरी (वावीकर) यांनी यावेळी बोलून दाखवली.