गुटखा वाहतुक करणाऱ्याकडून ६ लाख ९३ हजाराचा मुद्देमाल जप्त
◻️ संगमनेर शहरात स्थानिक गुन्हे शाखेची मोठी कारवाई
संगमनेर LIVE | पोलीस अधीक्षक राकेश ओला यांच्या सुचनानुसार स्थानिक गुन्हे शाखेचे पोलीस निरीक्षक दिनेश आहेर यांच्याकडून जिल्ह्यामध्ये अवैध व्यावसायिकांवर कारवाई सुरू आहे.
स्थानिक गुन्हे शाखेचे पोलीस निरीक्षक दिनेश आहेर यांच्या तपास पथकातील पोलीस अंमलदार संतोष लोढे, सोमनाथ झांबरे, रणजीत जाधव, विशाल तनपुरे व बाळासाहेब गुंजाळ यांनी संगमनेर शहरामध्ये अवैध व्यावसायिकांची कारवाई करण्यासाठी माहिती घेत होते.
यावेळी या पथकाला संगमनेर शहरामध्ये पेट्रोलिंग करत असताना सुनिल नाईकवाडे हा त्याचेकडील मारूती इको वाहनातून गुटखा, पानमसाला व जर्दा विक्रीसाठी संगमनेर येथुन घेऊन जाणार असल्याची गुप्त माहिती मिळाली. त्यामुळे तपास पथकाने अकोले नाका, संगमनेर या ठिकाणी सापळा लावला होता.
यावेळी एक संशयीत वाहनास थांबवून त्यामधील इसमाची चौकशी केली असता सुनिल नाईकवाडे, (वय ३४, रा. धामणगाव पाट, ता. अकोले) असल्याचे सांगितले. यावेळी त्याचे ताब्यातून १ लाख ७४ हजार २४० रूपये किंमतीचा विमल सुगंधीत पान मसाला, १९ हजार ३६० रूपये किंमतीची तंबाखु व ५ लाख रुपये किंमतीची मारूती कंपनीची इको कार (एमएच - १७ -डीई - ७९६६ असा एकुण ६ लाख ९३ हजार ६०० रूपये किंमतीचा मुद्देमाल जप्त केला आहे. या गुटख्याबाबत अधिक चौकशी केली असता सदरचा गुटखा हा गोपाल रा. कोल्हापूर (पुर्ण नाव माहित नाही फरार) याचेकडून घेतला असलेबाबत सांगितले.
यानंतर संगमनेर शहर पोलीस स्टेशन गुरनं ९७८/२०२४ बीएनएस २०२३ चे कलम २२३, २७४, २७५, १२३, ३ (५) प्रमाणे गुन्हा दाखल करण्यात आला असून गुन्हयाचा पुढील तपास संगमनेर शहर पोलीस स्टेशन हे करीत आहेत.
दरम्यान ही कारवाई पोलीस अधीक्षक राकेश ओला, अपर पोलीस अधीक्षक वैभव कलुबर्मे, उपविभागीय पोलीस अधिकारी कुणाल सोनवणे यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केली.