◻ बिबट्या नजरेस पडत असल्याने परिसरातील नागरीकानमध्ये मोठी दहशत.
संगमनेर Live | संगमनेर तालुक्यातील आश्वी खुर्द शिवारातील प्रवरा उजव्या कालव्यालगत बुधवारी सकाळी आश्वी कडे येत असताना तरुण उद्योजक साई राजेद्रं मांढरे यांनी आपल्या मोबाईल मध्ये बिबट्याचा विडीओ काढला असून यामुळे नागरीकानमध्ये भितीचे वातावरण आहे.
याबाबत मिळालेली माहिती अशी की, बुधवारी पहाटे ५.३० वाजेच्या सुमारास येथिल तरुण उद्योजक साई राजेद्रं मांढरे हे आपल्या चार चाकी वाहणातून घराकडून आश्वी खुर्द कडे येत होते. यावेळी आश्वी खुर्द आठवडे बाजारतळपासून काही अतंरावर असलेल्या प्रवरा उजव्या कालव्या लगत असलेल्या लाकडी पुलाजवळ राहत असलेल्या सुनिल भालेराव याच्या घरालगत एक पुर्ण वाढ झालेल्या तीन ते साडेतीन फूट उंचीच्या बिबट्याने रस्ता ओलडला. त्यामुळे साई माढंरे यांनी आपल्या वाहणाचा प्रकाश तिकडे वळवून आपल्या मोबाईल मध्ये बिबट्याचा विडिओ कैद केला आहे. यावेळी बिबट्याने लगतच्या झुडपातून पलायन केले.
दरम्यान बिबट्या नजरेस पडलेल्या ठिकाणापासून काही अतंरावर मोठी लोकवस्ती व वर्दळीचे ठिकाण आहे. त्यामुळे परिसरात मोठ्या प्रमाणात भितीचे वातावरण आहे. तसेच काही दिवसापूर्वी याचं ठिकाणापासून काही अतंरावर साईचे वडील राजेंद्र मांढरे यांनी बिबट्याच्या तावडीतून कुत्र्याची सुटका केली होती. त्यामुळे वारंवार हा बिबट्या नजरेस पडत असल्याने काही अघटित होण्याआधी हा बिबट्या वनविभागाने जेरबंद करावा अशी मागणी स्थानिक ग्रामस्थानी केली आहे.
