संगमनेर Live | संगमनेर तालुक्यातील दाढ खुर्द शिवारात मागील अनेक दिवसापासून दहशत निर्माण करणाऱ्या बिबट्यापैकी रविवारी संतू वाघमारे यांच्या शेतात वनविभागाने लावलेल्या पिजंऱ्यात एक बिबट्या जेरबंद झाला असून यामुळे परिसरातील नागरीकानसह शेतकऱ्यानी सुटकेचा निश्वास सोडला आहे.
याबाबत मिळालेली माहिती अशी की, दाढ खुर्द सह परिसरात मागील काही दिवसापासून बिबटे सतत शेतकऱ्याच्या पशुधनावर रात्री अपरात्री हल्ले करत असल्यामुळे नागरीकानमध्ये मोठी दहशत निर्माण झाली होती. त्यामुळे संतू वाघमारे यांच्यासह लगतच्या शेतकऱ्यानी वनविभागाला पिजंरा लावुन बिबट्याचा बदोबस्तं करण्याची मागणी केली होती. या मागणीची दखल घेऊन वनविभागाचे पारेकर व हरिश्चंद्र जोजार यानी संतू आनंदा वाघमारे यांच्या गट नबंर १४४ मध्ये पिजंरा लावला होता. रविवारी रात्री शिकाराच्या शोधात निघालेला बिबट्या अखेर या पिजंऱ्यात जेरबंद झाल्यामुळे परिसरातील नागरीकानसह शेतकऱ्यानी सुटकेचा निश्वास सोडला आहे. हा नर जातीचा बिबट्या असून त्याला निबांळे रोपवाटिकेत नेण्यात आले आहे.
दरम्यान दाढ शिवारात अनेक बिबट्ये असून सतत ते नागरीकाच्या नजरेस पडत असतात. तसेच मोठ्या प्रमाणात शेतकऱ्याच्या कोबंड्या व शेळ्या व लहान कालवडीवर हल्ले करत असल्याने शेतकरी मेटाकूटीला आले असून वनविभागाने या परिसरात आणखी पिजंरे लावावेत अशी मागणी शेतकरी संतू वाघमारे यानी दिली आहे.