◻ नातेवाईकाकडून खूनाचा संशय ; ५ जण पोलीसाच्या ताब्यात
◻ आश्वी पोलीस ठाण्यात ६ जणावर ३०२ व ४९८ चा गुन्हा दाखल
संगमनेर Live | संगमनेर तालुक्यातील शिबलापूर येथिल आरती राजेद्रं मुन्तोडे (वय - ३५) या महिलेचा मृतदेह सोमवारी सकाळी आश्वी खुर्द येथिल प्रवरा उजव्या कालव्यात आढळून आल्यामुळे एकच खळबळ उडाली असून महिलेच्या पतीसह सासरच्या मंडळीवर ३०२ व ४९८ नुसार गुन्हा दाखल करण्यात आला आहे. विशेष म्हणजे ही महिला दोन दिवसापासून बेपत्ता होती व तिचाचं मृतदेह सापडल्यामुळे मोठा तणाव निर्माण झाला होता.
याबाबत मिळालेली माहिती अशी की, सोमवार दि. ३० मे रोजी सकाळी ७.३० वाजेच्या सुमारास आश्वी खुर्द येथिल डाव्या कालव्यामध्ये एक मृतदेह तरगंत असल्याची माहिती पोलिसाना मिळाली होती. घटनेचे गाभिर्य ओळखून पोलीस निरीक्षक सुभाष भोये यानी कर्मचाऱ्यासह घटनास्थळी धाव घेऊन मृतदेह कालव्यातून बाहेर काढला व तो मृतदेह शिबलापूर येथिल बेपत्ता असलेल्या आरती राजेद्रं मुन्तोडे यांचा असल्याची खात्री केली.
मृतदेह सापडल्याची माहिती माहेरकडील नातेवाईकाना कळाल्यानतंर त्यानी आश्वी पोलीस ठाणे येथे येऊन पतीसह सासरकडील मंडळीवर खूनाचा संशय घेत गुन्हा दाखल करण्याची मागणी केली. यावेळी पोलीसानी उपस्थित नातेवाईकाशी संवाद साधत मयत महिलेचा मृतदेह हा उत्तरणीय तपासणीसाठी लोणी येथिल प्रवरा ग्रामिण रुग्णालयात पाठवला होता.
यानतंर मयत महिलेचा पार्थिव देह हा अत्यंविधी करण्यासाठी शिबलापूर येथे आणला असता महिलेच्या नातेवाईकानी अंत्यविधी हा घरात करण्याची मागणी केल्याने मोठा तणाव निर्माण झाला होता. यावेळी स्थानिक नागरीक व पोलीसानी नातेवाईकाशी संवाद साधत घराच्या अंगणात तणावपूर्ण वातावरणात अंत्यविधी केला आहे.
यावेळी उपविभागीय पोलीस अधिकारी राहुल मदने, पोलीस निरीक्षक सुभाष भोये, साहय्यक पोलीस निरीक्षक सुजित ठाकरे, साहय्यक फौजदार तात्याराव वाघमारे, पोलीस हवालदार दिपक बर्डे, प्रसाद सोनवणे, विनोद गंभिरे, रविद्रं भाग्यवान, पोलीस नाईक प्रदीप साठे, हुसेन शेख, निलेश वर्पे, आनंद वाघ, प्रवीण रणधीर, महिला पोलीस ताराबाई चांडे याच्यासह संगमनेर शहर पोलीसाचा मोठा फौजफाटा तैनात होता.
दरम्यान आश्वी पोलिस ठाण्यात पती राजेद्रं मुन्तोडे, दिर रविद्रं मुन्तोडे, जाव रंजना मुन्तोडे, सासु अलका मुन्तोडे (सर्व रा. शिबलापूर, ता. संगमनेर), नंदई प्रकाश गायकवाड व ननंद शिला गायकवाड (दोन्ही रा. पोखरी हवेली, ता. संगमनेर) याच्याविरुध्द गुन्हा रंजिस्टर नंबर ८१/२०२२ नुसार भादंवी कलम ३०२, ४९८(अ), ३२३, ५०४, ३४ प्रमाणे गुन्हा दाखल करण्यात आला आहे.
तर पोलीस निरिक्षक सुभाष भोये हे पुढील तपास करत असून ५ जणाना पोलीसांनी ताब्यात घेतल्याची माहिती मिळाली आहे.
