◻ नुतन पदाधिकाऱ्यांचे आमदार बाळासाहेब थोरात याचेंकडून अभिनंदन
संगमनेर Live (अहमदनगर) | लोकशाही व देशाच्या शाश्वत विकास हा विचार घेऊन काम करणाऱ्या काँग्रेस पक्षाच्या अहमदनगर जिल्ह्यातील तालुकाध्यक्ष व इतर पदाधिकाऱ्यांच्या निवडी जाहीर झाल्या आहेत.
काँग्रेसचे अध्यक्ष खासदार श्रीमती सोनिया गांधी व नेते खा. राहुल गांधी यांच्या मार्गदर्शनाखाली पक्षात लोकशाही अंतर्गत नवीन नियुक्त सुरू आहे. काँग्रेस विधिमंडळ पक्षनेते व माजी प्रदेशाध्यक्ष आमदार बाळासाहेब थोरात यांच्या मार्गदर्शनाखाली काँग्रेसच्या विचारांचा बालेकिल्ला राहिलेल्या अहमदनगर जिल्ह्यातील सर्व तालुक्यातील तालुकाध्यक्ष व इतर जिल्हा प्रतिनिधी, राज्य प्रतिनिधी यांच्या ब्लॉकनुसार नियुक्त्या जाहीर झाल्या आहेत.
यामध्ये अकोले तालुकाध्यक्षपदी दादा पाटील वाकचौरे, जामखेड तालुकाध्यक्षपदी शहाजी रामचंद्र राजेभोसले, शेवगाव तालुकाध्यक्षपदी समीर शब्बीर काझी, पाथर्डी तालुका अध्यक्षपदी नासिर शहानवाज शेख, संगमनेर ग्रामीण तालुकाध्यक्षपदी मिलिंद माधवराव कानवडे, संगमनेर शहर अध्यक्षपदी सोमेश्वर सूर्यभान दिवटे, नेवासा तालुकाध्यक्षपदी संभाजी कोंडीराम मालवदे, कोपरगाव ग्रामीणच्या अध्यक्षपदी आकाश संजय नागरे, कोपरगाव शहराध्यक्षपदी तुषार संजय पोटे,
भिंगार शहराध्यक्षपदी सागर दत्तात्रय चाबुसकार, राहता तालुकाध्यक्षपदी ॲड. पंकज भाऊसाहेब लोंढे, कर्जत तालुकाध्यक्षपदी किरण अण्णासाहेब पाटील, श्रीगोंदा तालुका अध्यक्षपदी धर्मनाथ संपतराव काकडे, अहमदनगर ग्रामीण तालुकाध्यक्षपदी अरुण संपतराव मस्के, राहुरीच्या तालुकाध्यक्षपदी बाळासाहेब गमाजी आढाव, पारनेर तालुकाध्यक्षपदी संभाजी देवराम रोहकले यांच्या निवडी झाल्या आहेत. याचबरोबर जिल्हा प्रतिनिधी व राज्य प्रतिनिधी यांच्याही निवडी ही झाल्या आहेत.
दरम्यान या नवीन पदाधिकाऱ्यांचे काँग्रेस विधिमंडळ गटनेते आमदार बाळासाहेब थोरात, आमदार लहू कानडे, आमदार डॉ. सुधीर तांबे, जिल्हाध्यक्ष बाळासाहेब साळुंखे, समन्वय ज्ञानदेव वाफारे, सत्यजित तांबे, कार्याध्यक्ष सचिन गुजर, राजेंद्र नागवडे आदींसह विविध पदाधिकाऱ्यांनी अभिनंदन केले आहे.