प्रतापपूर येथील जेष्ठ स्वातंत्र्य सेनानी निवृत्ती सबाजी पाटील इलग यांचे निधन

◻‘जंगल सत्याग्रह’ च्या माध्यमातून ब्रिटाशा विरुद्ध क्रांतीची मशाल पेटवाणाऱ्या क्रांतीवीराने देह ठेवला

◻गावासाठी स्वतंत्र ग्रामपंचायत, दुध संस्था व पाणी पुरवठा योजना निर्माण केल्या

◻विखे पाटील कुटुंबाचा सच्चा सहकारी काळाच्या पडद्याआड

◻जेष्ठ नेते भगवानराव इलग याना पितृशोक

संगमनेर Live | पद्मश्री विठ्ठलराव विखे पाटील यांचे संगमनेर तालुक्यातील प्रतापपूर येथिल सच्चे सहकारी असलेले तसेच जेष्ठ स्वातंत्र्य सेनानी निवृत्ती सबाजी पाटील इलग (वय - ९१) यांचे सोमवारी पहाटे वृध्दापकाळाने निधन झाले असून सोमवारी दुपारी १.३० वा प्रवरातिरी त्याच्यां पार्थिव देहावर शोकाकूल वातावरणात अत्यंसंस्कार करण्यात आले. 

आदर्श कुटुंब प्रमुख, आदर्श वडील, तसेच शैक्षणिक, सामाजिक व धार्मिक कार्यात सदैव पुढे असलेले व्यक्तीमत्व गावाने गमावल्याची भावना पंचक्रोशीतील ग्रामस्थांनी व्यक्त केली असून महसूलमंत्री ना. राधाकृष्ण विखे पाटील यानी त्याच्यां निधनावर शोक भावना व्यक केल्या आहेत.

दिवगंत निवृत्ती सबाजी पाटील इलग हे पद्मश्री विठ्ठलराव विखे पाटील सहकारी साखर कारखान्याचे माजी संचालक होते. २१ डिसेंबर १९३३ रोजी निवृत्ती पाटील इलग याचां जन्म प्रतापपूर येथिल सबाजी पाटील व लक्ष्मीबाई याच्यां पोटी झाला होता. बालपणीचं स्वातंत्र्य लढ्याकडे ते आकर्षित झाले होते. क्रांतीसिंह नाना पाटील याच्यांकडून प्रेरणा घेऊन खळी (ता. संगमनेर) येथिल शिकारीच्या डोगंरावर ‘जंगल सत्याग्रह’ करत ब्रिटीश सरकार विरुद्ध त्यानी आवाज उठावला होता. 

स्वातंत्र्य प्राप्तीनतंर प्रतापपूर गावासाठी त्यानी स्वतःला वाहून घेऊन १९६१ साली सेवा सहकारी सोसायटीची स्थापन करत त्याकाळी उध्दघाटनासाठी सहकार मंत्री एस. के. डे. याच्यांसह पद्मश्री विठ्ठलराव विखे पाटील, बाळासाहेब भारदे, जेष्ठ नेते बी. जे. खताळ पाटील यानां गावात आणले होते. त्यानी कार्यकर्तुत्वातून गावासाठी स्वतंत्र ग्रामपंचायत, दुध संस्था व पाणी पुरवठा योजना निर्माण केल्या.

सहकाराचे जनक पद्मश्री विठ्ठलराव विखे पाटील, सहकार महर्षी भाऊसाहेब थोरात, जेष्ठ नेते बी. जे. खताळ पाटील, बाळासाहेब भारदे, सखाराम हैबती जोधंळे, पद्मभूषण मा. खा. डॉ. बाळासाहेब विखे पाटील, जेष्ठ नेते गोपीनाथराव मुंढे व राज्याचे महसूल मंत्री ना. राधाकृष्ण विखे पाटील याच्यांशी त्याचां वैयक्तिक स्नेह होता. विखे पाटील कुटुंबाचे आश्वी जिल्हापरिषद गटातील एकनिष्ठ सहकारी व जुन्या पिढीतील अतिशय प्रतिष्ठित नागरीक म्हणून ते जिल्ह्यात परिचित होते.

दिवगंत निवृत्ती सबाजी पाटील इलग याच्यां पश्चात पत्नी, तीन मुले, सुना, तीन मुली, जावई, नातंवडे, पुतणे व मोठा परिवार आहे. शिवनेरी उद्योग समुहाचे संस्थापक व आश्वी परिसराचे जेष्ठ नेते भगवानराव इलग, प्रगतशील शेतकरी सुरेश इलग व प्रा. बाळासाहेब इलग यांचे ते वडील होते. तसेच संदीप भ. इलग, शिवाजी भ. इलग, मनोज भ. इलग, जितेद्रं सु. इलग, गणेश सु. इलग, संकेत बा. इलग व शिवानी बा. इलग यांचे ते आजोबा होते. तर रामराव शंकर इलग, अशोक शं. इलग, अर्जुन शं. इलग, अशोक शं. इलग, अविनाश गणपत इलग व देविदास गणपत इलग यांचे ते चुलते होते.

दरम्यान सोमवारी दुपारी प्रवरातिरी त्याच्यां पार्थिव देहावर अत्यंसंस्कार करण्यात आले असून यावेळी सामाजिक, राजकीय, शैक्षणिक व विविध क्षेत्रातील मान्यंवरासह नातेवाईक, मित्रपरिवार, ग्रामस्थं मोठ्या संख्येने उपस्थित होते.