◻️नाशिक विभागातून तिसऱ्या क्रमांकाचा पुरस्कार
◻️पतसंस्थेत सभासदांकरिता आधुनिक तंत्रज्ञानाच्या सेवा सुविधा
संगमनेर Live | तालुक्यातील हंगेवाडी येथील नेताजी सुभाषचंद्र बोस ग्रामीण बिगर शेती सहकारी पतसंस्थेला महाराष्ट्र राज्य सहकारी पतसंस्था फेडरेशनचा नाशिक विभागातून तिसऱ्या क्रमांकाचा मानाचा ‘दीपस्तंभ पुरस्कार’ मिळाला आहे. १९ सप्टेंबर २०२२ रोजी गणपतीपुळे येथे उद्योग मंत्री उदय सामंत, सहकार मंत्री अतुल सावे, भारतीय रिझर्व्ह बँकेचे संचालक सतीश मराठे, सहकार भारतीचे महामंत्री उदय जोशी, महाराष्ट्र राज्य सहकारी बँकेचे अध्यक्ष विद्याधर अनास्कर यांच्या प्रमुख उपस्थितीत या पुरस्कराचे वितरण करण्यात आले.
महाराष्ट्र राज्य सहकारी पतसंस्था फेडरेशनचे अध्यक्ष काका कोयटे यांच्या हस्ते संस्थेला हा मानाचा पुरस्कार प्रदान करण्यात आला आहे. यावेळी संस्थेचे चेअरमन शिवाजीराव भोसले, व्हा. चेअरमन प्रतिक गणपतराव सांगळे, संचालक देवराम सदाशिव घुगे, संचालक प्रमोद सतीश बोंद्रे, संचालक सौ. शारदा अण्णासाहेब नागरे, संचालक भिमराज गंगाधर केकान, संचालक देवराम पांडुरंग गायकवाड तसेच संचालक व व्यवस्थापक सोमनाथ वाघ हे उपस्थित होते.
नेताजी सुभाष चंद्र बोस पतसंस्थेचे संस्थापक व अहमदनगर जिल्हा बँकेचे संचालक, सहकार महर्षी भाऊसाहेब थोरात सहकारी साखर कारखान्याचे संचालक गणपतराव पुंजाजी सांगळे यांच्या नेतृत्वाखाली नेताजी सुभाषचंद्र बोस पतसंस्थेने सहकारात आदर्शवत कार्य केले आहे.
अल्पवधीत सर्वसामान्यांचा विश्वास संपादन केला असून पतसंस्थेने सभासदांकरिता आधुनिक तंत्रज्ञानाच्या सुविधा उपलब्ध करुन दिल्या आहेत. तसेच सामाजिक कार्यातही पतसंस्था अग्रेसर असून आरोग्यशिबिर, नेत्ररोग शिबीर, रोटरी आय केअर यांच्या मार्फत मोफत आरोग्य तपासणी शिबीर, महिला स्वयंसहायता बचतगट रोजगारासाठी महिला मेळावे, महिला व्यावसायिक मार्गदर्शन शिबिराचे वेळोवेळी आयोजन करण्यात येते.
१० कोटी ते २० कोटी ठेवी असलेल्या गटात नेताजी सुभाष चंद्र बोस पतसंस्थेला महाराष्ट्र राज्य सहकारी पतसंस्था फेडरेशनचा नाशिक विभागातून तिसऱ्या क्रमांकाचा ‘दीपस्तंभ पुरस्कारा’ने गौरवण्यात आले आहे. पतसंस्थेच्या प्रगतीचा आलेख चढताचं असून जिल्हा सहकारी बँकचे संचालक व भाऊसाहेब संतुजी थोरात सहकारी साखर कारखान्याचे संचालक तसेच नेताजी सुभाषचंद्र बोस पतसंस्थेचे संस्थापक चेअरमन गणपतराव पुंजाजी सांगळे यांच्या नेतृत्वाखाली पतसंस्थेचे विद्यमान चेअरमन शिवाजीराव भोसले, व्हा. चेअरमन प्रतिकराव सांगळे, व्यवस्थापक सोमनाथ वाघ, कर्मचारी, सभासद, ठेवीदार व हितचिंतक यांचे मोलाचे योगदान राहिले आहे.
दरम्यान पतसंस्थेला मिळालेल्या पुरस्काराबद्दल माजी महसूलमंत्री आमदार बाळासाहेब थोरात, आमदार डॉ. सुधीर तांबे, दुर्गाताई तांबे, राजहंस दुध संघाचे चेअरमन रणजितसिंह देशमुख, सत्यजित तांबे, इंद्रजित थोरात आदींनी अभिनंदन केले आहे.
