◻️ पिंपळगाव देपा शिवारात घडली दुर्दैवी दुर्घटना
संगमनेर Live | संगमनेर तालुक्यातील पिंपळगाव देपा शिवारात छोटाहत्ती टेम्पो व दुचाकी यांच्यामध्ये झालेल्या अपघातात दुचाकीवरील दोघेजण ठार झाल्याची दुर्दैवी घटना बुधवार (दि. २६) ऑक्टोबर रोजी दुपारी एक वाजेच्या सुमारास घडली आहे.
ओम राहूल पेंडभाजे (वय - १९) व शुभम सदाश‍िव टेकुडे (वय - १८) दोघे राहणार देवगिरीवस्ती साकूर ता. संगमनेर असे अपघातात ठार झालेल्या तरूणांची नावे असल्याची माहिती मिळाली आहे.
याबाबत घारगाव पोलीसांनी दिलेली माहिती अशी की, बुधवारी दुपारी पिंपळगाव देपा शिवारात छोटाहत्ती टेम्पो हा साकूरकडे जात होता. यावेळी अमोल पेंडभाजे व शुभम सदाश‍िव टेकुडे हे दोघे तरूण दुचाकीवरून संगमनेर कडे जात असताना या वाहनांचा अपघात झाला आणि त्यामध्ये दुचाकीवरील दोघेजण गंभिर जखमी झाले.
अपघात झाल्याची माहिती समजताच आजूबाजूच्या नागरिकांनी घटनास्थळी धाव घेतली होती. त्यानंतर दोघाही जखमी तरुणाना रुग्णवाहिकेतून औषधोपचारासाठी संगमनेर येथे नेण्यात आले. मात्र त्या दोघाचा उपचारापुर्वीचं मृत्यू झाला होता.
माहिती मिळताचं घारगाव पोलीस स्टेशनचे पोलीस उपनिरीक्षक एस. एस. सातपुते, प्रमोद चव्हाण, हरिश्चंद्र बांडे, संतोष फड यांनी घटनास्थळी धाव घेतली होती. दरम्यान या दोन्ही तरूणांच्या अपघाती मृत्यूने साकूर परिसरात हळहळ व्यक्त होत असून ऐन दिवाळीत या दोघा तरूणाच्या अपघाती मृत्यूने पठारभागावर शोककळा पसरली आहे.
