◻️राष्ट्रीय छावा संघटनेकडून मेळाव्याचे भव्य आयोजन
◻️छत्रपती संभाजीराजे ‘हर हर महादेव’ व ‘वेडात वीर दौडले सात’ या चित्रपटाबाबत मोठे भाष्य व घोषणा करण्याची शक्यता
◻️माजी मंत्री आ. बाळासाहेब थोरात, आ. डॉ. सुधीर तांबे, आ. किरण लहामटे, रणजितसिंह देशमुख, छावाचे गंगाधर काळकुटे, निखिल गोळे राहणार उपस्थित
संगमनेर Live | युवराज छत्रपती संभाजी राजे हे संगमनेर तालुक्यातील ऐतिहासिक पेमगिरी भूमीत १७ नोव्हेंबर रोजी आयोजित राष्ट्रीय छावा संघटनेच्या मेळाव्याला उपस्थित राहून मार्गदर्शन करणार असून शहागडावरील ऐतिहासिक ठेव्याची पाहणी करणार असल्याची माहिती देऊन ‘हर हर महादेव’ व ‘वेडात वीर दौडले सात’ या चित्रपटाबाबत मोठे भाष्य व घोषणा करण्याची शक्यता छावाचे उत्तर महाराष्ट्र अध्यक्ष प्रवीण कानवडे यांनी प्रसिद्धीपत्रकाद्वारे वर्तवली आहे.
या आयोजित मेळाव्यासाठी माजी महसूलमंत्री आ. बाळासाहेब थोरात, नाशिक पदवीधर मतदार संघाचे आ. सुधीर तांबे, राजहंस दूध संघाचे चेअरमन रंणजीतसिंह देशमुख, राष्ट्रीय छावा संघटनेचे संस्थापक अध्यक्ष गंगाधर काळकुटे, प्रदेशाध्यक्ष निखिल गोळे राज्य, जिल्हा, तालुका पातळीवरील मान्यवरासह संघटनेचे सर्व पदाधिकारी, सरपंच व उपसरपंच उपस्थित राहणार आहेत.
शहाजीराजे भोसले व राजमाता जिजाऊ यांच्या पदस्पर्शाने पावन झालेले संगमनेरच्या ऐतिहासिक भूमीत तब्बल ४०० वर्षानतंर छत्रपती घराण्याचे वशंज ऐत असल्याने या ऐतिहासिक क्षणाचे साक्षीदार होण्यासाठी शिवप्रेमीमध्ये मोठा उत्साह संचारला आहे. याप्रसंगी छत्रपती संभाजीराजे मराठा समाजाचे आरक्षण, आण्णासाहेब पाटील महामंडळ, बेरोजगारी याबाबत भूमिका मांडण्याबरोबरचं शहागडाचा ऐतिहासिक ठेवा जतन करण्यासाठी सरकारी निधीची मागणीची करु शकतात. तसेच शेती, सेवा, सहकार, कामगार व शिक्षण क्षेत्रातील जनतेला भेडसावणाऱ्या समस्यावर मार्गदर्शन करण्याबरोबरचं नुकताचं प्रदर्शित झालेल्या ‘हर हर महादेव’ व तयार होत असलेल्या ‘वेडात वीर दौडले सात’ या चित्रपटाबाबत मोठे भाष्य व घोषणा करण्याची शक्यता असल्याचे प्रसिद्धी पत्रकात म्हटले आहे.
त्यामुळे या ऐतिहासिक मेळाव्यासाठी शिवप्रेमीनी मोठ्या संख्येने उपस्थित राहावे असे आवाहन प्रवीण कानवडे, जालिंदर राऊत, दिनकर घुले, दीपक चोरमले, विलास रसाळ, सचिन बालोडे, बाळासाहेब कानवडे, उमेश बैचे, संजय गायकवाड, संजय शिरतार, मारुती सोनवणे, बाबासाहेब गुंजाळ आदिसह संघटनेच्या पदाधिकारी यानी केले आहे.