◻️ सौ. विखेनी चिमुकल्याच्या उपचाराची घेतली फोनवरुन माहिती
◻️ संगमनेर कारखाण्याच्या रुग्णवाहिकेत पहाटे चिमुकल्याला नगरला हलवले
◻️ गरज पडल्यास चिमुकल्याला उपचारासाठी मुबंई अथवा पुणे हलवणार - गणपतराव सांगळे
संगमनेर Live | संगमनेर तालुक्यातील आश्वी खुर्द शिवारातील मोठेबाबा परिसरात गुरुवारी मध्यरात्री आई वडीलासमवेत कोपीत झोपलेल्या चिमुकल्यावर प्राणघातक हल्ला करत ओढून नेल्याची दुर्दैवी घटना घडली असून ऊस तोड मंजूर बिबट्यामागे पळाल्यामुळे या चिमुकल्याला बिबट्याच्या जबड्यातून सोडवण्यात यश आले असले तरी या चिमुकल्याची प्रकृती चितांजनक असल्याची माहिती मिळाली आहे.
घटनेची माहिती मिळताचं तात्कांळ मा. जिल्हापरिषद अध्यक्षा सौ. शालिनीताई विखे पाटील यांनी घटनास्थळी भेट देऊन घटनेची माहिती घेऊन प्रशासनाला योग्य त्या सुचना दिल्या आहेत असून सकाळी आ. थोरात यांचे जेष्ठ कार्यकर्ते गणपतराव सागळे यानी ही घटनास्थळी येऊन हल्ल्याबाबत सविस्तर माहिती घेतली आहे.
याबाबत मिळालेली माहिती अशी की, साखर कारखाने सुरु झाल्यामुळे आश्वी खुर्द शिवारातील मोठेबाबा येथिल लक्ष्मीमाता मंदिराजवळ चाळीसगाव येथून आलेले संगमनेर साखर कारखान्याचे ऊस तोड मंजूराचे २० कुटुंब अड्डा करुन राहत आहेत. गुरुवारी हे ऊस तोड मंजूर आपल्या कोप्यामध्ये झोपलेले असताना मध्यरात्री १२.३० वाजेच्या सुमारास आधाराचा फायदा घेत बिबट्याने ऊस तोड मंजूराच्या कोपीत निर्धास्त झोपलेला चिमुकला विरु अजय पवार (वय - ३ वर्ष) याला जबड्यात घेऊन शंभर ते दिडशे फुटावर पलायन केले.
त्यामुळे चिमुकला जोरात ओरडल्यामुळे आई वडीलासह शेजारील ऊस तोड मंजूरानी या बिबट्याचा थरारक पाठलाग करत त्याच्या जबड्यातून या चिमुकल्याची सुटका केली. या चिमुकल्याच्या मानेवर खोलवर जखमा झाल्यामुळे मोठा रक्तस्राव होत असल्याने त्याला प्रवरा ग्रामीण रुग्णालयात उपचारासाठी दाखल केले होते. मात्र चिमुकल्याची प्रकृत्ती खालवत असल्याने पहाटे ४ वा. त्याला नगर येथिल सिव्हिल रुग्णालयात उपचारासाठी दाखल केले असून त्याच्यावर उपचार सुरु आहेत.
या घटनेची माहिती शुक्रवारी सकाळी मिळताचं मा. जिल्हापरिषद अध्यक्षा सौ. शालिनीताई विखे पाटील यानी घटनास्थळी जाऊन याबाबत सविस्तर माहिती घेतली. तसेच रुग्णालयात फोन करुन प्रशासनाला योग्य त्या उपाययोजना बाबत सुचना करत या चिमुकल्यावर सुरु असलेल्या उपचारासाठी या कुटुंबाला सर्वस्वी मदत करण्यास सांगितले आहे.
तसेच आ. थोरात यांचे जेष्ठ कार्यकर्ते व कारखाण्याचे प्रतिनिधी गणपतराव सागळे यानी ही घटनास्थळी येऊन हल्ल्याबाबत सविस्तर माहिती घेतली असून चिमुकल्यावर सुरु असलेल्या उपचाराची माहिती घेण्यासाठी ते स्वता: नगर रुग्णालयात दाखल झाले आहेत. गरज पडल्यास चिमुकल्याला उपचारासाठी मुबंई अथवा पुणे येथिल रुग्णालयात हलवू अशी माहिती गणपतराव सागळे यानी संगमनेर Live शी बोलताना दिली.
दरम्यान बिबट्याच्या प्राणघातक हल्ल्यानतंर ऊस तोड मंजूराचे कुटुंब प्रचंड दहशतीखाली असून त्याना धिर देण्यात येत असून आरोग्य विभाग चिमुकल्यावर बारीक लक्ष ठेवून आहे.
