◻️ ससा व कासवाच्या शर्यतीसारखीचं तरसाची शर्यत समाजमाध्यमात तुफान वायरल
◻️ हंगेवाडी शिवारात दोन बिबट्यानी ओलांडला रस्ता..
संगमनेर Live | संगमनेर लहानपणी आपण सर्वानी आजीकडून अथवा पाठ्यपुस्तकातून ससा व कासवाच्या शर्यतीची गोष्ट ऐकली असून आजही प्रत्येकाच्या मनात ती गोष्ट जशीचा तशीचं घर करुन आहे. याचं गोष्टीसारखाचं काहीसा थरारक अनुभव संगमनेर तालुक्यातील आश्वी खुर्द येथे घडला असून दोन तरस शर्यत लागल्याच्या अविर्भावत पळत असल्याचा एक विडिओ समाजमाध्यमात तुफान वायरल झाल्याचे पहावयस मिळत आहे.
याबाबत मिळालेली अधिक माहिती अशी की, आश्वी खुर्द येथिल प्रगतशील शेतकरी प्रशांत कोडोंलिकर यांची दाढ खुर्द ते आश्वी खुर्द रस्त्यावर वस्ती आहे. नेहमी प्रमाणे प्रशांत कोडोंलिकर सोमवारी सकाळी ८.३० वाजेच्या सुमारास आपल्या वस्तीच्या गेटजवळ उभे होते. त्यावेळी दाढ कडून आश्वीच्या दिशेने सुसाट वेगाने एक तरस येताना दिसला. त्यामुळे त्यानी आपल्या मोबाईलमध्ये त्या तरसाचे चित्रीकरण सुरु केले असता त्या तरसापाठोपाठ दुसरा तरसही दुप्पट वेगाने त्या ठिकाणाहून गेल्याचे त्यानी कँमेरात कैद केले आहे. तर मागील अनेक दिवसापासून आश्वीसह पंचक्रोशीतील प्रतापपूर या गावात ही तरसाचा वावर वाढल्याच्या अनेक घटना उजाडात आल्या आहेत.
दुसऱ्या एका घटनेत हंगेवाडी शिवारातील संगमनेर - हंगेवाडी रस्त्यालगत असलेल्या अकुंश सानप यांच्या वस्तीलगत सोमवारी पहाटे ३.३० वाजेच्या सुमारास दोन पुर्ण वाढ झालेले बिबट्ये रस्ता ओलांडून ऊसाच्या शेतात जाताना आश्वी खुर्दचे ग्रामपंचायत कर्मचारी आदिनाथ जाधव यानी संगमनेरहून आश्वीकडे येत असताना कँमेरात कैद केले आहेत.
दरम्यान सध्या परिसरात ऊस तोड सुरु असल्याने बिबट्ये लपण क्षेत्राच्या आश्रयाला जाताना दिसत असून मानवी वस्तीकडे येण्याचे प्रमाण ही वाढले आहे. बिबट्याने शिकार केल्यानतंर उरलेले मांस हे तरस खातात त्यामुळे बिबट्या पाठोपाठ तरसाचीही संख्या वाढत असून कोल्ह्याप्रमाणेचं परिसरातून कुत्रे, मुगुंस, मोर, ससे हे प्राणी नामशेष होण्याची चिन्हे निर्माण झाली आहे.
त्यामुळे वीजेच्या लपंडावामुळे त्रस्त असलेला शेतकरी रात्री अपरात्री पिकाना पाणी देण्यास धजावत नसून नागरीकानमध्ये दिवसेंदिवस दहशत वाढत असल्याने वनविभागाने योग्य त्या उपाययोजना करणे गरजेचे असल्याचे मत नागरीक व्यक्त करत आहेत.
