◻️ पुणे विभागाचे नेतृत्व प्रवरेकडे
संगमनेर LIVE (लोणी) | सोलापूर येथे झालेल्या विभागीय सुब्रतो मुखर्जी कप फुटबॉल स्पर्धेत लोकनेते पद्यभुषण डाॅ. बाळासाहेब विखे पाटील प्रवरा ग्रामीण शिक्षण संस्थेच्या प्रवरा कन्या विद्या मंदिर, लोणीच्या संघाने सुब्रतो मुखर्जी कप फुटबॉल १७ वर्षी वयोगटांत सेमी फायनल मध्ये सोलापूर ग्रामीण संघाचा ७-० ने पराभव केला तर अंतिम फेरीत पुणे पीसीएमसी संघाचा १-० ने पराभव करून विभागीय स्पर्धेत यश मिळविले अशी माहीती प्राचार्या भारती कुमकर यांनी दिली.
या स्पर्धेसाठी त्यांना क्रीडा शिक्षिका सौ. विद्या घोरपडे, सौ. कल्पना कडू यांचे मार्गदर्शन मिळाले.
या मिळालेल्या घवघवीत यशाबद्दल संघातील सर्व यशस्वी स्पर्धकांचे संस्थेचे अध्यक्ष व राज्याचे महसूल मंत्री ना. राधाकृष्ण विखे पाटील, संस्थेचे विश्वस्त माजी मंत्री आण्णासाहेब म्हस्के पाटील, जिल्हा परिषदेच्या अध्यक्षा सौ. शालीनीताई विखे पाटील, खा. डॉ. सुजय विखे पाटील, सहसचिव भारत घोगरे पाटील, मुख्य अतिरिक्त कार्यकारी अधिकारी डॉ. शिवानंद हिरेमठ, शिक्षण संचालिका सौ. लिलावती सरोदे, समन्व्यय प्रा. नंदकुमार दळे, क्रिडा अधिकारी डाॅ. प्रमोद विखे यांनी अभिनंदन केले.
तर विद्यालयाच्या प्राचार्या सौ. भारती कुमकर, प्राथमिक विभागाच्या मुख्याध्यापिका सौ. सीमा बढे, क्रिडा शिक्षिका सौ. विद्या घोरपडे, सौ. कल्पना कडू, शिक्षक अनिल लोखंडे, सुरेश गोडगे, सौ. मोहिनी गायके, आर. एम. लबडे आदी सर्वसह शिक्षकांनी यशस्वी विद्यार्थ्यीनींचे अभिनंदन करुन त्यांना पुढील विभागीय पातळीवर राज्य पातळीवर होणाऱ्या सामन्यांसाठी शुभेच्छा दिल्या आहेत.
