आश्वी खुर्द ग्रामपंचायतीनेच केले अतिक्रमण? गावातील ग्रामस्थ आक्रमक!
◻️ रामोशी समाजाच्या स्मशानभूमीलगतचे अतिक्रमण काढण्यासाठी उपोषण सुरु
◻️ उपोषणाला पाठिंबा देण्यासाठी ग्रामपंचायत कार्यालयासमोर उसळली गर्दी
संगमनेर LIVE | संगमनेर तालुक्यातील आश्वी खुर्द येथे रामोशी समाजबांधवांची स्मशानभूमी असून ग्रामपंचायतीने स्मशानभूमीत रस्ता करुन अतिक्रमण केल्याचा आरोप रामोशी समाजबांधवांनी करत हे अतिक्रमण तातडीने काढून घ्यावे यासाठी उपोषणाला सुरुवात केल्यामुळे खळबळ उडाली आहे.
याबाबत मिळालेली माहिती अशी की, आश्वी खुर्द येथिल बाजारतळानजीक रामोशी समाजाची स्मशानभूमी आहे. या आश्वी खुर्द ग्रामपंचायतीने याठिकाणी रस्त्याचे काम करत असताना अतिक्रमण केले असल्याचा गंभीर आरोप रामोशी समाजातील महिला व पुरुष यांनी करुन सोमवारी सकाळी ग्रामपंचायत कार्यालय समोर उपोषण करण्यास सुरुवात केली आहे. जोपर्यत ग्रामपंचायत हे अतिक्रमण काढत नाही, तोपर्यंत उपोषण सुरुच राहणार असल्याचा आक्रमक पवित्रा उपोषणकर्त्यानी घेतला आहे.
यावेळी गावातील सामाजिक कार्यकर्ते मोहित गायकवाड, विकास गायकवाड, लहुजी सेनेचे महाराष्ट्राचे सचिव संतोष भडकवाड, युन्नुसभाई सय्यद, कैलास गायकवाड, यशवंत वाल्हेकर, मुकेश वाल्हेकर आदींनी उपोषण स्थळी भेट देऊन या उपोषणाला पाठिंबा दिला आहे.
दरम्यान याप्रसंगी विशाल शिरतार, प्रभाकर जेडगुले, सुभाष जेडगुले, पुंजा भडंकर, कृष्णा पवार, विकास भडकवाड, राहुल जेडगुले, दत्ता गोफने, शुभम बोऱ्हाडे, मयुर जेडगुले, संदीप बोऱ्हाडे, संकेत गपले, मारुती गोफने, सुकदेव शिरतार, सौ. शारदा गपले, सौ. बेबीताई चव्हाण, श्रीमती ताराबाई मोरे, चंद्रभागा शिरतार, सौ. अनुसया जेडगुले, विशाल चव्हाण, श्रीमती हिराबाई शिरतार, हौसाबाई जेडगुले, लताबाई शिरतार, शिवनाथ गोफने, बाळासाहेब चव्हाण, रवी शिरतार, सुनीता जेडगुले, पुंजा जेडगुले, पुंजाबाई जेडगुले आदि उपोषण स्थळी उपस्थित होते.
सायंकाळपर्यंत ग्रामपंचायत प्रशासनाने या उपोषणाकडे काना डोळा करुन कोणतीही दखल घेतली नाही. तसेच गावातील जबाबदार अधिकारी व पदाधिकारी यांनी देखील या उपोषणकर्त्याची भेट न घेतल्यामुळे आश्चर्य व्यक्त होत आहे.
