शिर्डी येथे प्रजासत्ताक दिनानिमित्त संस्थानचे तुकाराम हुलवळे यांच्‍या हस्‍ते ध्‍वजारोहण
संगमनेर LIVE (शिर्डी) | श्री साईबाबा संस्थान विश्वस्तव्यवस्था, शिर्डीच्या वतीने २६ जानेवारी प्रजासत्ताक दिना निमित्‍त संस्थानचे प्र. मुख्‍य कार्यकारी अधिकारी तुकाराम हुलवळे यांच्‍या हस्‍ते ध्‍वजारोहण करण्यात आले.
श्री साईबाबा संस्थानच्या वतीने २६ जानेवारी प्रजासत्ताक दिना निमित्‍त शैक्षणिक संकुलाच्‍या मैदानावर ध्‍वजारोहण कार्यक्रमाचे आयोजन करण्यात आले होते. या कार्यक्रमास संस्थानचे प्रशासकीय अधिकारी प्रज्ञा महांडुळे, उप कार्यकारी अभियंता संजय जोरी, लेखाधिकारी कैलास खराडे, संरक्षण अधिकारी आण्‍णासाहेब परदेशी, सर्व विभाग प्रमुख, कर्मचारी तसेच शैक्षणिक संकुलातील शिक्षक वृंद व विद्यार्थी मोठया संख्‍येने उपस्थित होते.
याप्रसंगी संस्थानचे प्र. मुख्‍य कार्यकारी अधिकारी तुकाराम हुलवळे बोलताना म्‍हणाले की, प्रजासत्ताक दिनाच्या ७५ व्या वर्धापन दिनानिमित्त भारतीय स्‍वातंत्र्यासाठी आपल्या प्राणांची बाजी लावणाऱ्या थोर महापुरुषांना स्वातंत्र्यसैनिकांना सुरवातीस अभिवादन करतो.
तसेच यावेळी ते म्‍हणाले शिर्डी मध्ये श्रींच्या दर्शनासाठी येणाऱ्या साई भक्तांना अनेक प्रकारच्या सुविधा उपलब्ध करून देण्यात येतात. श्री साईबाबांचे दर्शनानंतर साईभक्त श्रद्धेने देणगी देत असतात साईभक्‍तांनी दिलेल्‍या देणगीतून संस्थानचे विविध प्रकल्प जसे रूग्‍णालय, प्रसादालय, शैक्षणिक संस्‍था, निवासस्‍थान व्‍यवस्‍था आणि व्यवस्थापन खर्च या देणगीतून करणे शक्य होत आहे. यासर्व देणगीदार साई भक्तांचेही मी या निमित्ताने आभार मानतो. श्री साईभक्‍तांची सेवा हिच श्री साईंची सेवा या भावनेतून सर्वांनी साईभक्तांना सेवा द्यावी असे आवाहन केले.
यासाठी आमच्या जनसंपर्क कार्यालयाच्या माध्यमातून श्री साईभक्तांना संस्‍थानमार्फत चालविण्‍यात येणारे प्रकल्प व संस्थानचे प्रस्‍ताावित प्रकल्प याबाबत सखोल माहिती देण्यात येत आहे. श्रींचे दर्शनासाठी येणाऱ्या साईभक्तांना संस्‍थानमार्फत नव्‍याने सुरू झालेल्या सुसज्‍ज अशा दर्शनरांगेमुळे आरामदायी दर्शन घेण्‍याचा लाभ मिळत आहे. याशिवाय शिर्डी व शिर्डी परीसरातून शिक्षण घेत असलेल्‍या विद्यार्थ्‍यांकरीता सुसज्‍ज अशी नवीन शैक्षणिक संकुलाची इमारत बांधून पूर्ण करण्यात आलेली असून लवकरच ही इमारत नवीन शैक्षणिक वर्षापासून विद्यार्थ्‍यांसाठी वापरात येणार असलेबाबत सांगितले.
साई संस्थान कर्मचाऱ्यांचे खूप दिवसापासून प्रलंबित असलेले काही जिव्हाळ्याचे विषय जसे सेवाप्रवेश नियम, कर्मचारी वाहतूक भत्‍ता यासारखे प्रश्‍न मार्गी लागले असून, संस्थान कायम आणि कंत्राटी कर्मचारी यांना गणवेश देण्‍याचा प्रस्‍तााव समितीने मंजूर केलेला आहे आणि त्याबाबत लवकरच गणवेश देणे बाबतची कारवाई देखील आता करण्यात येणार असल्‍या बाबत सांगीतले.
नुकत्‍याच पार पडलेल्या आयोध्‍या येथील श्री राम मूर्ती प्राणप्रतिष्‍ठेकरीता मला श्रीसाईबाबा संस्‍थानचा प्रतिनिधी म्‍हणून उपस्थित राहण्याची आपल्या सर्वांचे सहकार्याने संधी मिळाली याबद्दल आभार मानले. यापुढे देखील साईभक्तांचे सेवेत अधिकारी कर्मचारी आणि सर्व विद्यार्थी आणि शिक्षक सुद्धा प्रयत्‍नशिल राहतील असे सांगुन सर्व कर्मचारी, शिक्षक वृंद व विद्यार्थ्‍यांना प्रजासत्ताक दिनाच्या शुभेच्‍छा हुलवळे यांनी दिल्‍या.
तसेच यावेळी संस्थानच्या संरक्षण विभाग, फायर अॅण्‍ड सेफ्टी, सुरक्षा एजन्‍सीज, शैक्षणिक संकुलातील विद्यार्थी आदिंनी आकर्षक परेड व कवायती सादर केल्‍या. तसेच श्री साईबाबा कन्‍या विद्या मंदीरच्‍या विद्यार्थीनींनी तायक्‍वांदो कराटेचे प्रत्‍यक्षीक सादर केले. त्‍यानंतर शैक्षणिक संकुलातील राज्‍यस्‍तरीय व राष्‍ट्रीय पातळीवर विशेष यश संपादन केलेल्‍या खेळाडूंना संस्थानचे प्र.मुख्‍य कार्यकारी अधिकारी तुकाराम हुलवळे व उपस्थित मान्‍यवरांच्‍या हस्‍ते पारितोषिक व स्‍मृती चिन्‍ह देण्यात आले.
दरम्यान कार्यक्रमाचे सुत्रसंचालन प्रा. राजेंद्र कोहकडे यांनी केले.