विद्यार्थ्यानी शिक्षणांतून नोकरी हा उद्देश न ठेवता उद्योजक व्हावे - सौ. शालिनीताई विखे पाटील
◻️ प्रवरा लर्निंग रॉक मार्केट उपक्रमातून चार लाखांची उलाढाल
संगमनेर LIVE (लोणी) | विद्यार्थ्यानी शिक्षणांतून नोकरी हा उद्देश न ठेवता आपल्या आवडीच्या क्षेत्रातून उद्योजक व्हावे. पंतप्रधान नरेंद्र मोदी यांनी पायाभूत सुविधासह कौशल्य विकासाला प्राध्याने आणि विविध योजनेतून स्वयंरोजगारांला मोठी संधी उपलब्ध करुन दिली आहे. असे प्रतिपादन जिल्हा परिषदेच्या माजी अध्यक्षा सौ. शालीनीताई विखे पाटील यांनी केले असून विद्यार्थ्यानी सकस आहार घ्यावा असे आवाहन केले आहे.
पद्मश्री विखे पाटील महाविद्यालय लोणी येथे प्रवरा लर्निंग रॉक मार्केटचे आयोजन करण्यात आले. या उपक्रमात महाविद्यालयातील सर्व शाखेच्या विद्यार्थ्यांनी सहभाग घेतला. यावेळी एकूण ७४ स्टॉल लावण्यात आले. या उपक्रमातून जवळपास चार लाख रुपयांची उलाढाल झाली. भेळ, पाणीपुरी, कोल्ड कॉफी, चहा, गुळाचा चहा, पोहे, इडली, अप्पे, वडापाव, भजी असे खाद्यपदार्थाचे स्टॉल, लेडीज ॲक्सेसरीज, कुर्ती, जॉकेट, तसेच बाईक, ट्रॅक्टर सेल अशा विविध प्रकारच्या स्टॉलची उभारणी करण्यात आली होती.
कार्यक्रमप्रसंगी जिल्हा परिषदेच्या माजी अध्यक्षा सौ. शालिनीताई विखे पाटील, संस्थेचे सहसचिव भारत घोगरे, संस्थेचे अतांत्रिकचे संचालक डॉ. प्रदीप दिघे, कॅम्पस संचालक डॉ. राम पवार , उपप्रचार्य डॉ. भाऊसाहेब रणपिसे, डॉ. अनिल वाबळे, डॉ. छाया गलांडे, कार्यक्रमाचे समन्वयक डॉ. विजय निर्मळ, डॉ. रंजना दिघे, डाॅ. एस. बी. राजभोज, प्रा. एस. एस. पठाण व सर्व कमिटीतील सदस्य यावेळी उपस्थित होते.
सौ. विखे विद्यार्थ्यांना मार्गदर्शन करताना म्हणाल्या की, ग्रामीण भागातील गरज ओळखून आरोग्याच्या दृष्टीने उपयुक्त गोष्टींचा समावेश विद्यार्थ्यांनी या उपक्रमात करावा. सकस आहार कसा राहील याकडे विद्यार्थ्यांनी लक्ष देण्याचे आवाहन केले.
दरम्यान या कार्यक्रमाचे प्रास्ताविक डॉ. राम पवार यांनी केले. आभार डॉ. विजय खर्डे यांनी मानले. या उपक्रमासाठी विद्यार्थ्यांचा उत्स्फूर्त प्रतिसाद मिळाला.
