डॉ. जयश्री थोरात यांच्या उपस्थितीत काँग्रेस पक्षात शंभर युवकाचा प्रवेश
◻️ युवकांना कॉग्रेस पक्षामध्ये काम करण्यास मोठी संधी - डॉ. जयश्री थोरात
संगमनेर LIVE | स्वातंत्र्य प्राप्तीनंतर देशाचा विकास झाला असून त्यामध्ये काँग्रेसचे मोलाचे योगदान आहे. राष्ट्रीय एकात्मता सर्व धर्म समभाव आणि संविधान जपणारा या पक्षाचे भवितव्य उज्वल असून काँग्रेस विधिमंडळाचे नेते आमदार बाळासाहेब थोरात यांच्या मार्गदर्शनाखाली सायखिंडी फाटा परिसरातील रोशन गोफने सह १०० युवकांनी युवक काँग्रेसच्या अध्यक्षा डॉ. जयश्री थोरात यांच्या उपस्थितीत काँग्रेसमध्ये प्रवेश केला.
यशोधन जनसंपर्क कार्यालय येथे शंभर युवकांनी प्रवेश केला. यावेळी युवक काँग्रेसच्या अध्यक्ष डॉ. जयश्री थोरात यांचे सह पदाधिकारी आणि युवक उपस्थित होते.
यावेळी बोलताना डॉ. जयश्री थोरात म्हणाल्या की, काँग्रेस पक्षाला मोठी त्यागाची व बलिदानाची परंपरा आहे. देशाच्या विकासात काँग्रेसचे अत्यंत महत्त्वपूर्ण योगदान असून राज्यांमध्ये आणि देशांमध्ये ही काँग्रेस पक्ष उभारी घेत आहे. महाविकास आघाडीवर लोकांचा विश्वास वाढला आहे संविधान वाचवणारा हा पक्ष असून युवकांना या पक्षामध्ये काम करण्यास मोठी संधी आहे.
आमदार बाळासाहेब थोरात यांच्या मार्गदर्शनाखाली संगमनेर तालुका हा सुसंस्कृत आणि प्रगतीशील तालुका असून इतर शेजारील काही तालुक्यांमध्ये दडपशाहीचे राजकारण आहे. याउलट संगमनेर मध्ये शांतता आणि सुव्यवस्थेबरोबर सर्वांना बरोबर घेऊन विकास साधला जात आहे. जास्तीत जास्त तरुणांनी काँग्रेस पक्षासह समाजकार्य काम करण्यासाठी पुढे यावे असे आवाहन त्यांनी केले.
दरम्यान यावेळी उपस्थित असलेल्या युवकानी देखील मनोगत व्यक्त केले.