सहकारमहर्षी थोरात कारखान्याचा गुरुवारी बॉयलर अग्नी प्रदीपन समारंभ
◻️ कारखान्याचे व्हा. चेअरमन संतोष हासे यांची माहिती
संगमनेर LIVE | सहकारमहर्षी भाऊसाहेब थोरात सहकारी साखर कारखान्याच्या सन २०२४-२५ या गळीत हंगामाचा बॉयलर अग्निप्रदीपन समारंभ गुरुवार दि. २४ ऑक्टोंबर २०२४ रोजी सकाळी १० वा. काँग्रेस विधिमंडळ पक्षनेते तथा मा. महसूल मंत्री आमदार बाळासाहेब थोरात व सौ. कांचनताई थोरात यांच्या हस्ते पार पडणार आहे.
याप्रसंगी माजी आ. डॉ. सुधीर तांबे, आमदार सत्यजित तांबे, ॲड. माधवराव कानवडे यांच्या उपस्थितीत आणि कारखान्याचे चेअरमन प्रतापराव ओहोळ यांच्या अध्यक्षतेखाली होणार असल्याची माहिती उपाध्यक्ष संतोष हासे यांनी दिली आहे.
जेष्ठ नेते बाळासाहेब थोरात यांच्या मार्गदर्शनाखाली थोरात सहकारी साखर कारखान्याने मागील गळीत हंगामात १० लाख मॅट्रिक टनांपेक्षा जास्त गाळप केले आहे. शेतकरी, सभासद, कार्यक्षेत्र बाहेरील ऊस उत्पादक या सर्वांचा थोरात कारखान्यावर मोठा विश्वास असून या कारखान्याने यावर्षी कार्यक्षेत्रातील ऊस उत्पादकांना सातत्याने सर्वाधिक भाव दिला आहे.
चालू वर्ष २०२४-२५ या गळीत हंगामाचा बॉयलर अग्निप्रदीपण समारंभाची गुरुवारी कारखान्याचे उपाध्यक्ष संतोष रखमा हासे व त्यांच्या सुविध पत्नी सौ. मनीषाताई संतोष हासे, संचालक चंद्रकांत भिकाजी कडलग व त्यांच्या सुविध पत्नी सौ. वैशालीताई कडलग, मिनानाथ गोपीनाथ वर्पे व त्यांच्या सुविध पत्नी सौ. हिराताई मिनानाथ वर्पे, भाऊसाहेब गीताराम शिंदे व त्यांच्या सुविध पत्नी पुष्पाताई भाऊसाहेब शिंदे, विनोद गणपत हासे व त्यांच्या सुविध पत्नी सौ. वैशालीताई विनोद हासे यांच्या हस्ते बॉयलर अग्निप्रदीपन पूजा होणार आहे.
दरम्यान या कार्यक्रमासाठी संगमनेर तालुक्यातील अमृत उद्योग समूहातील विविध संस्थांचे पदाधिकारी व मान्यवर उपस्थित राहणार आहेत. तरी या कार्यक्रमाला सर्व शेतकरी, ऊस उत्पादक व सभासद यांनी उपस्थित राहावे असे आवाहन सर्व संचालक मंडळ व कार्यकारी संचालक जगन्नाथ घुगरकर यांनी केले आहे.