सणासुदीचा फायदा घेत चोरट्यांचा जिल्हापरिषद शाळेवर डल्ला
◻️ निमगावजाळी येथील शाळेतून स्मार्ट टिव्ही सह शालेय खाद्य सामुग्री चोरीला
संगमनेर LIVE | सणा सुदीच्या काळात संगमनेर तालुक्यातील निमगावजाळी येथील जिल्हापरिषद शाळा आणि तळोले वस्तीवरील अंगणवाडीत भुरट्या चोरट्यांनी डल्ला मारल्याची घटना घडली आहे. त्यामुळे आश्‍वी पोलीस ठाण्यात गुन्हा दाखल करण्यात आला आहे.
याबाबत श्रीमती संगीता शेलार यांनी दाखल केलेल्या तक्रारीत म्हटले आहे की, २६ ते ३१ ऑक्टोबर दरम्यान जिल्हापरिषद शाळा आणि तळोले वस्तीवरील अंगणवाडीतून ११ हजार रुपये किंमतीचा कोरानिया कंपनीचा ३२ इंच स्मार्ट टिव्ही, अभ्यासक्रम असलेला पेनड्राईव, सातशे रुपये किंमतीच्या प्रत्येकी १ किलोच्या ७ तेल पिशव्या, दोनशे रुपये किंमतीची २ किलो मसूरदाळ असा एकूण ११ हजार ९०० रुपये किंमतीचा मुद्देमाल चोरीला गेला आहे.
दरम्यान याबाबत आश्‍वी पोलीस ठाण्यात गुन्हा रंजिस्टर नंबर २०१/२०२४ नुसार बीएनएस कलम ३३१(४), ३३१(३), ३०५(e) प्रमाणे गुन्हा दाखल करण्यात आला आहे. या गुन्ह्याचा पुढील तपास पोलीस हेड कॉन्स्टेबल आर. डी. पारधी करत आहेत.