श्री साईबाबा संस्थानमधील दिव्यांग कर्मचाऱ्यांना तीनचाकी सायकल वाटप
◻️ प्रभु नयन फाउंडेशन मुंबई व चार्ल्स ग्रुप मुंबई यांचा उपक्रम
संगमनेर LIVE | श्री साईबाबा संस्थान विश्वस्त व्यवस्था शिर्डी व प्रभु नयन फाउंडेशन मुंबई व चार्ल्स ग्रुप मुंबई यांचे संयुक्त विद्यमानाने श्री साईबाबा संस्थान येथे कार्यरत असणाऱ्या दिव्यांग कर्मचाऱ्यांना तीनचाकी सायकलचे वाटप दि. ९ जानेवारी श्री साईबाबा हॉस्पिटल येथे श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांचे हस्ते करण्यात आले.
यावेळी संस्थानचे मुख्य कार्यकारी अधिकारी गोरक्ष गाडीलकर यांनी श्री साईबाबा संस्थान कर्मचारी यांना सायकली उपलब्ध करुन दिलेबद्दल प्रभु नयन फाउंडेशन मुंबई व चार्ल्स ग्रुप मुंबई यांचे आभार व्यक्त केले. तसेच अन्य संस्थाननी पुढे येवुन येथील विविध उपक्रमामध्ये आपला सहभाग नोंदवावा असे आवाहन देखील केले.
यावेळी प्रभु नयन फाउंडेशन मुंबई व चार्ल्स ग्रुप मुंबई यांचे पदाधिकारी श्री साईबाबा संस्थान रुग्णालयाचे वैद्यकीय संचालक, लेफ्ट कर्नल, डॉ. शैलेश ओक, उप वैद्यकीय संचालक, डॉ. प्रितम वडगावे, अधिसेविका मंदा थोरात, जनसंपर्क अधिकारी सुरेश टोलमारे, स्टोअर मॅनेजर शितल कथले, बायोमेडीकल वेस्ट मॅनेजमेंट विभागाचे सचिन टिळकेर यांचेसह कपिल बालोटे, सुरेंद्रकुमार पांडे तसेच श्री साईबाबा संस्थानमधील दिव्यांग कर्मचारी उपस्थित होते.
दरम्यान या कार्यक्रमाचे प्रास्ताविक व सुत्रसंचालन जनसंपर्क अधिकारी सुरेश टोलमारे यांनी केले तर आभार उप वैद्यकीय संचालक , डॉ. प्रितम वडगावे यांनी मानले.