आगामी निवडणुकीत सर्वानी मागे उभे राहा - आमदार अमोल खताळ
◻️ जवळे कडलग ते वडगाव लांडगा रस्ते कामाचा शुभारंभ
सागमनेर LIVE | तुमच्या गावची ग्रामपंचायत ताब्यात नसतानाही जवळे कडलग ते वडगाव लांडगा या गावासाठी पालकमंत्री राधाकृष्ण विखे यांच्या माध्यमातून भरीव निधी दिला आहे. तुम्ही आमच्या मागे भक्कम उभे रहा, तुम्हाला निधी कमी पडू देणार नाही. परंतू, आगामी ग्रामपंचायत, जिल्हापरिषद, पंचायत समिती या निवडणुकीमध्ये तुम्ही सर्वजण भगव्याच्या पाठीमागे उभे रहा आणि परिवर्तन करा. असे आवाहन आमदार अमोल खताळ यांनी केले.
संगमनेर तालुक्यातील जवळे कडलग ते वडगाव लांडगा अडीच किलोमीटरच्या मुख्यमंत्री ग्रामसडक योजनेतील रस्ते कामाचा शुभारंभ आमदार अमोल खताळ यांच्या हस्ते झाला. यावेळी ज्येष्ठ नेते माऊली देशमुख, हिरालाल सुर्वे, अशोक देशमुख, बापूसाहेब देशमुख, रोहिदास साबळे, कैलास आडभाई, सुनील देशमुख, सुदर्शन देशमुख, पवन हांडे, राजेंद्र देशमुख, श्रीकांत कडलग, संतोष कडलग, अरुण कडलग राजेंद्र पवार, सचिन कडलग, विनोद सुर्वे, संजय देशमुख, अतुल गोसावी, योगेश देशमुख, संदेश देशमुख, सुरेश लांडगे, संतोष लांडगे, उपअभियंता रविंद्र गायकवाड, गव्हर्मेंट कॉन्ट्रॅक्टर शिवाजी येवले उपस्थित होते.
आमदार खताळ म्हणाले की, येथून मागील काळात या तालुक्यात पाणी जिरविण्याऐवजी माणसांची जिरवली गेली. परंतु आता तुमच्या सर्वांच्या प्रेमामुळे तालुक्यात परिवर्तन झाले आहे. त्यामुळे माणसाची न जिरविता पाणी जिरविण्याचे काम कसे होईल या दृष्टीने प्रयत्न करणार आहे. या पूर्वीच्या काळामध्ये दुर्दैवाने विकास कामे करताना भेदभाव केला जात होता. मात्र आम्ही विकास कामे करत असताना कधी ही भेदभाव अगर राजकरण करणार नाही.
ते पुढे म्हणाले, जवळे कडलग आणि वडगाव लांडगा या भागातील ग्रामस्थांनी हा रस्ता व्हावा यासाठी पालकमंत्री विखे पाटील यांच्याकडे आग्रह धरला होता. त्यांच्या माध्यमातून या अडीच की मी रस्त्याला मंजुरी मिळाली आहे. त्याचे काम आता सुरू झाले आहे. रस्त्याचे काम होत असताना अधिकारी आणि ठेकेदाराला सहकार्य करावे. तसेच शेतकऱ्यांना विश्वासात घेऊन ठेकेदाराने चांगल्या प्रतीचे काम करावे माझ्याकडे तक्रार येणार नाही याची दक्षता घ्यावी असे निर्देश दिले.
निवडणुकीच्या अगोदर सुद्धा काम करत असताना जवळे कडलग गावावर विशेष प्रेम राहिले आहे. त्यामुळे या गावातील, रस्ते पाणी आणि विजेचा प्रश्न सोडविला जाईल. येत्या तीन ते चार दिवसांत या भागातील विजेचे रोहित्र बदलून दिले जाईल. मागील महायुतीचे सरकारच्या माध्यमातून पालकमंत्री विखे पाटील यांच्या मार्गदर्शनाखाली विविध विकास कामासाठी १२०० कोटी रुपयांचा निधी आला होता. त्या माध्यमातून ही विकास कामे होत आहे. असे सांगून ते म्हणाले की संगमनेर तालुक्या तील प्रत्येक वाडी-वस्ती पर्यंत कुठल्या ना कुठल्या माध्यमातून पोहोचलो असल्याचे त्यांनी सांगितले.
दरम्यान यावेळी जवळे कडलग ग्रामस्थांच्या वतीने हिरालाल सुर्वे आणि गोकुळ लांडगे यांनी मनोगत व्यक्त केले.
जवळे कडलग ते चिखली या रस्त्याची अत्यंत दुरावस्था झाली आहे.त्यामुळे या रस्त्याचे लवकरात लवकर डांबरीकरण करण्यात यावे अशी मागणी जवळेकडला ग्रामस्थांनी केली या रस्त्याबाबत आपण प्राधान्याने विचार करून त्यासाठी पालक मंत्री विखे पाटील यांच्याकडे पाठ पुरावा करून तात्काळ निधी उपलब्ध करून दिला जाईल. अशी ग्वाही आमदार अमोल खताळ यांनी दिली.