आश्वी बुद्रुक येथे आचार्य आनंद ऋषीजी महाराज यांच्या जयंतीनिमित्त शिबीर
◻️ शिबीराचा ७० रुग्णांनी घेतला लाभ तर, अनेक रुग्णांनी केली मोफत तपासणी
संगमनेर LIVE | राष्ट्रसंत आचार्य सम्राट आनंद ॠषीजी महाराज यांच्या १२६ व्या जयंतीचे औचित्य साधून नाशिक येथील मॅगन्म मल्टी स्पेशलीस्ट हाॅस्पिटल व भारतीय जैन संघटनेच्या संयुक्त विद्यमाने संगमनेर तालुक्यातील आश्वी बु।। येथे आयोजित मोफत हृदयरोग निदान शिबीर उत्साहात पार पडले.
आश्वी बु।। येथे आयोजित शिबीराचे उद्घाटन डाॅ. राहुल शेवाळे, डाॅ. समाधान बाहेकर, भारतीय जैन संघटनेचे विभागीय अध्यक्ष संजय शिंगी, आश्वी जैन श्रावक संघाचे अध्यक्ष सुमतीलाल गांधी, शाखाध्यक्ष सागर रातडीया, राजेंद्र लुणीया, योगेश रातडीया, सुशील भंडारी यांच्या हस्ते करण्यात आले.
या शिबिरादरम्यान आलेल्या रुग्णांच्या रक्तातील साखर, ईसीजी, रक्तदाब यासह हृदयरोगाशी निगडित तब्बल दहा तपासण्या मोफत करण्यात आल्या. याप्रसंगी डाॅ. शेवाळे यांनी उपस्थित रुग्णांना ‘हृदय रोगाची कारणे आणि घ्यावयाची काळजी’ या विषयी सखोल मार्गदर्शन केले. या मोफत शिबीराचा लाभ सुमारे ७० रुग्णांनी घेतला. तसेच अनेक रुग्णांनी मोफत तपासणी करून घेतली.
दरम्यान हे शिबीर यशस्वी करण्यासाठी अथर्व रातडीया, संयम लुंकड, रोशन रातडीया, भुषण भंडारी, कु. अमीता भंडारी, यश भंडारी, कुसिया गांधी, कु. दिया लुंकड यांनी परिश्रम घेतले. यावेळी शिबिरांचे प्रास्ताविक कु. जिनेशा गांधी, कु. राधिका नाके, अभिजीत गांधी, विनित गांधी, रोहित भंडारी यांनी केले. तर, आभार श्रेणीक बोरा यांनी मानले. अशी माहिती पत्रकार योगेश रातडीया यांनी कळविली आहे.