डॉ. सुजय विखे पाटील यांनी भाजप प्रदेशाध्यक्ष रवींद्र चव्हाण यांची घेतली भेट!
◻️ राज्य परिषद सदस्य पदी निवड केल्याबद्दल डॉ. विखे यांनी व्यक्त केली कृतज्ञता
संगमनेर LIVE (मुंबई) | भारतीय जनता पक्षाचे नवनिर्वाचित प्रदेशाध्यक्ष रवींद्र चव्हाण यांची आज मुंबई येथे डॉ. सुजय विखे पाटील यांनी सदिच्छा भेट घेतली. पक्ष संघटनेतील एका अत्यंत महत्त्वाच्या आणि जबाबदारीच्या पदाची सूत्रे स्वीकारल्याबद्दल त्यांचे अभिनंदन करत, आगामी वाटचालीसाठी त्यांना शुभेच्छां देखील दिल्या.
नुकत्याच जाहीर झालेल्या भाजपचे राज्य परिषदेचे सदस्य (२०२५-२८) म्हणून डॉ. सुजय विखे पाटील यांची प्रदेशाध्यक्ष रवींद्र चव्हाण यांनी निवड केल्याबद्दल डॉ. विखे यांनी कृतज्ञता व्यक्त केली.
राजकीय घडामोडींवर चर्चा झाली. पक्षाचे कार्य व्यापक स्तरावर पोहोचवण्यासाठी आणि कार्यकर्त्यांपर्यंत प्रभावी नेतृत्व पोहचवण्यासाठी रवींद्र चव्हाण नेतृत्व महत्त्वपूर्ण ठरेल, असा ठाम विश्वास डॉ. सुजय विखे यांनी यावेळी व्यक्त केला.
पक्षाचे विचार जनतेपर्यंत पोहचवताना संघटनेचा विस्तार आणि कार्यकर्त्यांची नाळ अधिक घट्ट करण्यासाठी चव्हाण निश्चितच नवा अध्याय सुरू करतील, असे मत देखील डॉ. विखे यांनी व्यक्त केले.
दरम्यान या भेटीनंतर राज्यकीय तर्कवितर्क लढवले जात असल्यामुळे चर्चाना उधाण आले आहे.