संगमनेर Live | अहमदनगर जिल्हा काँग्रेस कमिटीच्या सरचिटणीसपदी जिल्हा परिषद समाज कल्याण विभागाचे माजी सभापती तसेच संगमनेर तालुक्यातील हंगेवाडी येथिल गणपतराव सांगळे यांची नुकतीच निवड करण्यात आली आहे.
अहमदनगर जिल्हाची काँग्रेस कार्यकारिणी नुकतीच जाहीर करण्यात आली असून त्यात संगमनेर तालुक्यातील हंगेवाडी येथील गणपतराव सांगळे यांची सरचिटणीस पदी निवड करण्यात आली असून राज्याचे महसूल मंत्री नामदार बाळासाहेब थोरात यांचे विश्वासू कार्यकर्ते म्हणून गणपतराव सांगळे हे जिल्ह्यात ओळखले जातात. सांगळे यानी यापूर्वी जिल्हा परिषदच्या समाज कल्याण विभागाचे सभापती पद, राजहंस दूध संघाचे उपाध्यक्ष पद, सहकार महर्षी भाऊसाहेब थोरात सहकारी साखर कारखान्याचे संचालक पद, नेताजी पतसंस्था संस्थापक अध्यक्ष अशा विविध पदांवर यशस्वी काम करून जिल्ह्यात वेगळा ठसा निर्माण केला आहे.
दरम्यान गणपतराव सांगळे यांच्या प्रदिर्घ अनुभवाचा जिल्ह्यात काँग्रेस पक्ष वाढीसाठी मोठा फायदा होणार असल्याने त्यांच्या निवडीचे राज्याचे महसूलमंत्री नामदार बाळासाहेब थोरात, आमदार डॉ. सुधीर तांबे, नगराध्यक्ष सौ. दुर्गाताई तांबे, युवक कॉग्रेसचे अध्यक्ष सत्यजित तांबे, जिल्हा बँकेचे संचालक बाजीराव खेमनर, संगमनेर तालुका काँग्रेस कमिटीचे अध्यक्ष बाबा ओहळ, महानंदा डेरीचे चेअरमन रणजितसिंह देशमुख, माजी जिल्हा परिषद सदस्य सुरेश थोरात, शेतकी संघाचे शिवाजीराव थोरात, बाळकृष्ण दातिर आदींनी अभिनंदन केले आहे.