◻ मंगळवारी आश्वी बुद्रुक येथे जेष्ठाचा तर पानोडी येथे लहान मुलाचा विजेच्या धक्याने मृत्यू.
संगमनेर Live | संगमनेर तालुक्यातील आश्वी बुद्रुक व पानोडी येथे मंगळवारी दोन दुर्देवी घटना घडल्या असून पानोडी येथे ओकार गणेश पवार (वय - १४) या लहान मुलासह आश्वी बुद्रुक येथे रमेश राधुजी गायकवाड (वय - ६५) या जेष्ठ व्यक्तीचा विजेचा धक्का बसल्याने मृत्यू झाल्याने सर्वत्र हळहळ व्यक्त होत आहे.
याबाबत मिळालेली माहिती अशी की, पानोडी शिवारातील आश्वी - साकूर रस्त्यालगत असलेल्या पवार वस्तीलगत ओकांर हा मुलासमवेत खेळत होता. यावेळी लगत असलेल्या विजेच्या खांबाला ओकांरचा हात लागल्यामुळे त्याला जोरदार विजेचा धक्का बसला. विशेष म्हणजे सोमवार व मंगळवार या काळात वीज पुरवठा मोठ्या काळासाठी खंडीत होता. अवघ्या पंधरा मिनटासाठी वीज पुरवठा सुरळीत झाला असताना ही दुर्दैवी घटना घडल्याची माहिती स्थानिकाकडून मिळाली असून तो ८ वी इयत्तेत शिक्षण घेत होता.
तर दुसऱ्या एका घटनेत आश्वी बुद्रुक येथिल रमेश गायकवाड यानाही विजेचा जोदार धक्का बसल्याची घटना घडली. यावेळी स्थानिक नागरीकाच्या मदतीने दोघानाही लोणी येथिल रुग्णालयात उपचारासाठी दाखल केले. मात्र दोघाचाही उपाचाराआधीच दुर्दैवी मृत्यू झाल्याची माहिती मिळाली आहे.
पानोडी येथिल गणेश सोपान पवार याचा ओकांर हा मुलगा तर सिताराम सोपान पवार यांचा पुतण्या होता. त्याच्या पश्चात आई, वडील, बहीन व चुलते असा मोठा परिवार आहे. तसेचं आश्वी बुद्रुक येथिल दिवगंत रमेश गायकवाड हे आश्वी येथिल सतिष व हेमंत गायकवाड याचे वडील तर राजेद्रं माधव गायकवाड याचे चुलते होते. त्याच्या पश्चात पत्नी, दोन मुले, सुना, दोन मुली व नातंवडे असा मोठा परिवार आहे.
दरम्यान मंगळवारी उशीरा दोघानवरही शोकाकूल वातावरणात आश्वी व पानोडी येथे अत्यसंस्कार करण्यात आले असून त्याच्या अकस्मात मृत्युमुळे सर्वत्र हळहळ व्यक्त होत आहे.