◻ आश्वी खुर्द येथे दुथडी भरलेला कालवा ओलाडताना बिबट्या पुन्हा मोबाईल कैमेरात कैद.
संगमनेर Live | १९९० साली प्रदर्शित झालेल्या ‘धडाकेबाज’ चित्रपटातील ‘ही दोस्ती तुटायची नाय.!’ या अनिल मोहिले लिखित गाण्याच्या ओळी मांढरे कुटुंबातील मुलगा साई व वडील राजेद्रं मांढरे यांच्या सातत्याने नजरेस पडणाऱ्या बिबट्याच्या मैत्रीसाठी तंतोतंत लागू पडाव्यात अशा असून आतापर्यत किमान १० ते १५ वेळेस हा बिबट्या या पिता व पुत्रास नजरेस पडल्याने आश्चर्य व्यक्त होत आहे.
संगमनेर तालुक्यातील आश्वी खुर्द शिवारातील प्रवरा उजव्या कालव्यालगत नियमितपणे साई मांढरे व राजेद्रं मांढरे या पिता पुत्राला बिबट्या ये - जा करताना नजरेस पडत असतो.
याचाचं प्रत्यय पुन्हा एकदा आला असून दोन दिवसापूर्वी रात्री १ वाजेच्या सुमारास राजेद्रं मांढरे हे आपल्या चार चाकी वाहणातून घराच्या दिशेने चालले होते. यावेळी शिवाजी मुन्तोडे याच्या वस्तीलगत काही हालचाल दिसली. त्यामुळे मांढरे यानी गाडीच्या प्रकाशात पाहिले असता त्यांना शिकारीच्या शोधात बाहेर पडलेला व पुर्ण वाढ झालेला एक बिबट्या नजरेस पडला.
त्यामुळे त्यानी आपल्या मोबाईलमध्ये या बिबट्याचा विडीओ चित्रीत करण्यास सुरवात केली. यावेळी निर्धास्त असलेला बिबट्या दुधडी भरुन वाहत असलेल्या उजव्या कालव्यातून शेती पाईपावरुन पलीकडे चालत गेल्याचा विडीओ मांढरे यानी मोबाईलमध्ये चित्रीत केला आहे.
दरम्यान बिबट्या नजरेस पडलेल्या ठिकाणापासून काही अतंरावर मोठी लोकवस्ती व वर्दळीचे ठिकाण आहे. त्यामुळे नेहमीचं या परिसरात मोठ्या प्रमाणात भितीचे वातावरण असते. तसेच काही दिवसापूर्वी याचं ठिकाणापासून काही अतंरावर अनेकदा लोकाच्या नजरेस हा बिबट्या पडत आहे.
त्यामुळे वारंवार या बिबट्याचे दर्शन होत असल्याने हा बिबट्या वनविभागाने जेरबंद करावा अशी मागणी स्थानिक ग्रामस्थानी केली आहे. तर ‘ही दोस्ती तुटायची नाय.!’ या ओळी साई मांढरे व राजेद्रं मांढरे तसेच बिबट्याच्या मैत्रीला लागू पडत असल्याची चर्चा ग्रामस्थानमध्ये सुरु आहे.
