◻जनसेवा मंडळाचा ७ जागेवर तर अमरेश्वर ग्रामविकास मंडळाचा ६ जागेवर विजय
◻आटीतटीच्या लढतीत एका जागेसाठी समान मतदान ; चिठ्ठी टाकून केले विजयी घोषित
संगमनेर Live | शिर्डी मतदार संघातील राजकीय दृष्ट्या अतिशय महत्त्वाच्या समजल्या जाणाऱ्या संगमनेर तालुक्यातील आश्वी बुद्रुक सेवा सहकारी सोसायटीचा २०२२-२७ या पंचवार्षिक कालावधीसाठी निवडणूक प्रक्रिया पार पडल्यानतंर निकाल लागला असून भाजपचे जेष्ठ नेते आ. राधाकृष्ण विखे पाटील याच्या जनसेवा मंडळाने ७ जागावर विजय मिळवून सत्ता आपल्याकडेचं खेचून आणली आहे. तर कॉग्रेसचे जेष्ठ नेते महसूल मंत्री ना. बाळासाहेब थोरात याच्या अमरेश्वर ग्रामविकास मंडळाला मात्र ६ जागावर समाधान मानावे लागले. त्यामुळे अटीतटीच्या झालेल्या लढतीत एक जागा गमवावी लागल्यामुळे अमरेश्वर ग्रामविकास मंडळाचे सत्ता स्थापनेचे स्वप्नं मात्र अपुर्ण राहिले आहे.
यावेळी पार पडलेल्या निवडणूक प्रक्रियेत सर्वसाधारण प्रवर्गातून दशरथ महादू खेमनर (४५२), मच्छिद्रं महादू गायकवाड (४१४), अण्णासाहेब रंगणाथ जऱ्हाड (४४३), मच्छिद्रं भागाजी ताजणे (४१४), तुळशिराम भिकाजी निघुते (४४१), ब्रिजमोहन राधाकिसन बिहाणी (४१२), कैलास सहादू मुळे (४२६) हे उमेदवार विजयी झाले आहेत. तर नवनाथ किसन खेमनर याच्यासह प्रतिस्पर्धी उमेदवाराला समान मते पडल्यामुळे चिठ्ठी टाकून त्याना विजयी घोषीत करण्यात आले.
महिला राखीव प्रवर्गातून वैशाली विनायक जऱ्हाड (४४०) व पार्वताबाई बाळकृष्ण होडगर (४५६) या दोन महिला विजयी झाल्या आहेत.
अनुसूचित जाती, जमाती प्रवर्गातून नामदेव किसन शिदें (४३८) विजयी झाले.
इतर मागास प्रवर्गातून ज्ञानेश्वर दामु ताजणे (४४१) विजयी झाले.
भटक्या, विमुक्त जाती, जमाती व विशेष मागास प्रवर्गातून बाबुराव काशीनाथ जऱ्हाड (४४७) हे विजयी झाले आहेत.
दरम्यान आश्वी बुद्रुक सेवा सहकारी सोसायटीची संचालक पदासाठीची पंचवार्षिक निवडूक अतिशय अटीतटीची झाली. सकाळी ८ ते सायंकाळी ४ या कालावधीत सभासदानी आपला मतनाचा हक्क बजावला. एक-एक मत बहुमोल असल्याने जास्तीत जास्त मतदान घडवून आणण्यात दोन्ही गटाच्या कार्यकर्त्यानी शर्थीचे प्रयत्न केले. त्यामुळे १३ जागासाठी ९१ टक्के मतदान झाले. तब्बल पाच तास चाललेल्या मतमोजणी नतंर निकाल घोषित करण्यात आला. तुरळक बाचाबाचीच्या घटना वगळता मतदान शांततेत पार पडले असून निवडणूक निर्णय अधिकारी म्हणून आर. एस. वाकचौरे यानी काम पाहिले.
