◻ प्रतापपूर शिवारात कारवाई करुन आश्वी पोलिसांनी एकाला पकडले ; दोघावर गुन्हा दाखल
संगमनेर Live | संगमनेर शहरात गो-मांसची तस्करी होत असल्याच्या घटना नियमित उजेडात येत असतात. त्याप्रमाणे तालुक्यातील ग्रामीण भागातही गो-मांस तस्कंरीच्या घटना उघडकीस येण्यास सुरवात झाली असून शुक्रवारी आश्वी पोलिसांनी एकाला गो-मांस विक्रीसाठी घेऊन जाताना पकडले आहे.
याबाबत पोलीस नाईक प्रविण दैमिवाळ यांनी दिलेल्या फिर्यादीत म्हटले आहे, शुक्रवारी दि ३ जून २०२२ रोजी सकाळी १० वाजता प्रतापपूर - दाढ बुद्रक रस्त्यावरुन गो-मांसची तस्कंरी होणार असल्याची गुप्त माहिती पोलीस निरीक्षक सुभाष भोये याना मिळाली होती. त्यामुळे त्याच्या सुचना मिळताचं मी, पोलीस हवालदार अशोक शिदें, पोलीस नाईक विनोद गंभिरे, चालक पोलीस नाईक शांताराम झोडंगे यानी घटनास्थळाकडे धाव घेत प्रतापपूर - दाढ रस्त्यावर जाऊन थांबलो.
यावेळी गाडीवर जाणाऱ्या एका व्यक्तीचा संशय आल्यामुळे त्याला थांबवून चौकशी केली असता अलिम रमजान ईनामदार (वय - २७ रा. दाढ बुद्रुक) असल्याची माहिती मिळाली. यावेळी त्याच्या गाडीवरील पिशवीमध्ये १ हजार ८२० रुपये किमतीचे १३ किलो गो-मांस आढळून आले. त्यामुळे याबाबत त्याच्याकडे अधिक चौकशी केली असता फईम (पुर्ण नाव माहीत नाही रा. कसईवाडा, संगमनेर) येथून हे गो-मांस आणल्याची माहिती त्याने दिली. तर पोलीस नाईक विनोद गंभिरे यानी पशुधन विकास अधिकारी याना गो-मांस तपासणीचे पत्र देऊन पंचनामा केला आहे. तर १५००० रुपये किमतीची बजाज कंपनीची काळ्या रंगाची सीटी १०० दुचाकी ताब्यात घेतली आहे.
दरम्यान आश्वी पोलीस ठाण्यात अलिम ईनामदार व फईम यांच्याविरुध्द गुन्हा रंजिस्टर नं - ८५/२०२२ नुसार भादंवी कलम ४२९ महाराष्ट्र प्राणी संरक्षण अधिनियम १९६५ चे सुधारित कलम २०१५ चे कलम ५(ब), ५(क), ९, ९(अ), ९(ब), ११ प्रमाणे गुन्हा दाखल करण्यात आला असून या गुन्ह्याचा पुढील तपास पोलीस निरिक्षक सुभाष भोये यांच्या मार्गदर्शनाखाली पोलीस नाईक शेख करत आहेत.
