◻ एमआयडीसी अहमदनगर येथील कंपनीचे शेड उचकटुन झाली होती चोरी
संगमनेर Live | एमआयडीसी अहमदनगर येथील कंपनीचे शेड उचकटुन स्टीलच्या बॉल बेअरिंग चोरी करणारे दोन सराईत आरोपी ५ लाख २० हजार रुपये किंमंतीचे मुद्देमालासह जेरबंद करण्यात स्थानिक गुन्हे शाखेला यश आले आहे.
याबाबत मिळालेली माहिती अशी की, वासुदेव अर्जुन खेडकर (वय - ४९ , रा. भिंगार, ता. नगर) हे सीजी पॉवर अॅण्ड सोलुशन मोटर डिव्हीजण , एमआयडीसी अहमदनगर येथे सिक्युरीटी सुपरवायझर म्हणुन नोकरी करत आहेत. कंपनी आवारात पेट्रोलिंग करत असतांना अज्ञात इसम बीएसआर शॉप मधुन बाहेर पडुन पळुन जातांना दिसले. बीएसआर शॉपची पहाणी केली असता कंपनीतील शॉपचे छत उचकटुन आत प्रवेश करुन ३० हजार रुपये किंमतीच्या स्टीलच्या बॉल बेअरींग चोरी झाली होती. याबाबत एमआयडीसी पोस्टे गु.र.नं. ६२९/२२ भादविक ३८०, ४५७ प्रमाणे घरफोडी चोरीचा गुन्हा दाखल करण्यात आला होता.
हा गुन्हा दाखल झाल्यानंतर पोलीस अधिक्षक मनोज पाटील यांनी स्थानिक गुन्हे शाखेचे पोलीस निरीक्षक अनिल कटके याना या गुन्ह्याचा तपास करण्याच्या योग्य त्या सुचना दिल्या होत्या.
त्यामुळे पोलीस निरीक्षक अनिल कटके यांनी स्थानिक गुन्हे शाखेतील पोसई सोपान गोरे, पोहेकॉ मनोहर गोसावी, देवेंद्र शेलार, पोना लक्ष्मण खोकले, संदीप दरदंले, दिपक शिंदे, शंकर चौधरी, पोकॉ सागर ससाणे, मयुर गायकवाड, योगेश सातपुते व चापोहेकॉ बबन बेरड यांचे विशेष पथकाची नेमणुक करुन आरोपीचा शोध घेणे सुरु होते.
हे विशेष पथक नागापुर, एमआयडीसी व बोल्हेगांव परिसरात आरोपीबाबत माहिती घेत असतांना पोलीस निरीक्षक अनिल कटके यांना गुप्त बातमीदारा मार्फत माहिती मिळाली की, समीर ताबोंळी हा त्याचे साथीदारासह एक सिल्व्हर रंगाचे कारमधुन बॉल बेअरींग विक्री करण्यासाठी बोल्हेगांव फाटा येथे येणार असल्याची खात्रीशीर माहिती मिळाली होती.
यावेळी पथक वेशांतर करून थांबलेले असतांना त्यांना एक सिल्व्हर रंगाचे स्विफ्ट कारमधुन दोन संशयीत इसम कारमधुन उतरतांना दिसले. पोलीस पथक छापा घालुन त्याना ताब्यात घेण्याचे तयारीत असतांना त्याना पोलीस पथकाची चाहुल लागताच ते गाडीचालु करुन पळुन जात असताना पथकाने त्याचा पाठलाग करुन त्याना शिताफीने ताब्यात घेतले.
यावेळी ताब्यात घेतलेल्याना त्याचे नाव गाव विचारले असता त्यांनी समीर कादीर ताबोंळी (वय - ३६, रा. लक्ष्मीनगर, ता. जिल्हा पुणे) व संकेत पोपट आढाव (वय - २२, रा. रेणुका नगर बोल्हेगांव) असे सांगितले. यावेळी पोलिसांनी सिल्व्हर रंगाचे स्विफ्ट कारची झडती घेतली असता त्यामध्ये स्टिलच्या बॉल बेअरिंग मिळुन आल्या.
त्यांचेकडे चौकशी करता सुरुवातीस तो उडवाउडवीची उत्तरे दिली. त्यांना अधिक विश्वासात घेवुन चौकशी केली असता गुन्हा केल्याची कबुली देवुन गुन्ह्यातील चोरीस गेलेल्या २० हजार रुपये किंमतीच्या बॉल बेअरिंग व ५ लाख रुपये किमंतीची गुन्हा करण्यासाठी वापरलेली स्विफ्ट कार असा एकुण ५ लाख २० हजार रुपये किमंतीचा मुद्दमालासह ताब्यात घेवुन एमआयडीसी पोलीस स्टेशन येथे हजर केले असून पुढील कारवाई एमआयडीसी पोलीस स्टेशन करीत आहे.
आरोनी संकेत पोपट आढाव हा सराईत गुन्हेगार असुन त्यांचे विरुध्द अहमदनगर येथे विनयभंग व जबर जखकी करणे असे गंभीर स्वरुपाचे गुन्हे दाखल आहेत.
दरम्यान ही कारवाई पोलीस अधीक्षक मनोज पाटील, अपर पोलीस अधीक्षक सौरभ कूमार अग्रवाल, उपविभागीय पोलीस अधिकारी अजीत पाटील यांचे सुचना व मार्गदर्शनाखाली स्थानिक गुन्हे शाखेचे पोलीस निरीक्षक अनिल कटके व त्याच्यां सहकाऱ्यानी केली.
