◻️ घारगाव शिवारातील घटना ; एक जण जखमी
संगमनेर Live | संगमनेर तालुक्यातून जाणार्‍या पुणे - नाशिक राष्ट्रीय महामार्गावरील घारगाव येथे दुचाकीवरून पडून एकाचा मृत्यू झाल्या असून एकजण जखमी झाल्याची घटना मंगळवार (दि. १७ जानेवारी) रोजी दुपारी चार वाजेच्या सुमारास घडली आहे. यामध्ये मोहन भाऊ दुधवडे (वय - ६५, रा. माळवदवाडी खंदरमाळ) असे मृत्यू झालेल्या दुचाकीस्वाराचे नाव आहे.
याबाबत घारगाव पोलिसांनी दिलेली माहिती अशी की, मोहन दुधवडे हे खंदरमाळवाडी गावांतर्गत असलेल्या माळवदवाडी येथील राहाणार होते. ते आणि वाळीबा कमा मधे हे दोघेजण मंगळवारी दुपारी दुचाकीवरून बोट्याकडून घारगावकडे येत होते. इंडियन ऑईल पेट्रोल पंपाच्या मागे आले असता त्याच दरम्यान दुचाकीवरून पडल्याने मोहन दुधवडे यांना जबर मार लागल्याने त्यांचा मृत्यू झाला आहे. तर वाळीबा मधे हे जखमी झाले आहे.
अपघात झाल्याची माहिती समजताच आजूबाजूच्या नागरिकांनी घटनास्थळी धाव घेतली होती. त्यानंतर डोळासणे महामार्गाचे सहायक पोलिस निरीक्षक सचिन सुर्यवंशी, घारगाव पोलिस ठाण्याचे पोलिस नाईक राजेंद्र लांघे, योगीराज सोनवणे, मनेष शिंदे यांनी घटनास्थळी धाव घेतली.
दरम्यान याप्रकरणी गोपीनाथ भाऊ दुधवडे यांनी दिलेल्या खबरीवरून घारगाव पोलिसांनी अकस्मात मृत्यूची नोंद केली पुढील तपास पोलीस निरीक्षक सुनिल पाटील यांच्या मार्गदर्शनाखाली पोलिस नाईक राजेंद्र लांघे हे करत आहे.
