प्रतापपूरच्या सरपंच पदी पांडुरंग आंधळे तर उपसरपंच पदी सौ. अनिता आंधळे

प्रतापपूरच्या सरपंच पदी पांडुरंग आंधळे तर उपसरपंच पदी सौ. अनिता आंधळे

◻️नुतन सरपंच व उपसरपंच यांच्यावर अभिनंदनाचा वर्षाव

◻️गावच्या विकासासाठी सर्वतोपरी प्रयत्न करण्याची पदाधिकारी यांची ग्वाही

संगमनेर LlVE | शिर्डी मतदारसंघातील राजकीय दृष्ट्या अतिशय महत्त्वाच्या अशा प्रतापपूर (ता. संगमनेर) ग्रामपंचायतीच्या सरपंच पदी पांडुरंग भिकाजी आंधळे तर उपसरपंच पदी सौ. अनिता अजय आंधळे यांची एकमताने निवड करण्यात आली असून दोन्ही पदाधिकारी यांचे ग्रामस्थांसह पंचक्रोशीतील मान्यवरांनी अभिनंदन केले आहे.

राज्याचे महसूल, पशुसंवर्धन व दुग्ध विकास मंत्री नामदार राधाकृष्ण विखे पाटील यांच्या मार्गदर्शनाखाली प्रतापपूर ग्रामपंचायत विकास कामात अग्रेसर आहे. गावचे जेष्ठ नेते भगवानराव इलग यांच्या नेतृत्वाखाली ठरल्याप्रमाणे नुकतीचं सरपंच पदी पांडुरंग भिकाजी आंधळे तर उपसरपंच पदी सौ. अनिता अजय आंधळे यांची एकमताने निवड करण्यात आली आहे. यावेळी नुतन पदाधिकारी यांचा सत्कार करण्यात आला. या कार्यक्रमाच्या अध्यक्षस्थानी जेष्ठ व्यक्तीमत्व दगडू अप्पा आंधळे होते.

दरम्यान नुतन सरपंच व उपसरपंच यांचे राज्याचे महसूल मंत्री ना. राधाकृष्ण विखे पाटील, खासदार डॉ. सुजय विखे पाटील, जिल्हा परिषदेच्या माजी अध्यक्षा सौ. शालिनीताई विखे पाटील, प्रवरा मेडिकल ट्रस्टचे विश्वस्त राजेंद्र विखे पाटील, पद्मश्री विखे पाटील कारखान्याचे चेअरमन कैलास तांबे, आ. राधाकृष्ण विखे पाटील ट्रक वाहतूक सोसायटीचे चेअरमन नंदूशेठ राठी, जेष्ठ नेते भगवानराव इलग, संचालक शिवाजीराव इलग, गजानन आव्हाड, सुखदेव आंधळे, भिमाशंकर आंधळे, दादा आंधळे, अजय आंधळे, सुनील सांगळे, बाळासाहेब सांगळे, बबन घुगे, कचेश्वर आंधळे, सखाराम आंधळे, दत्तात्रय आंधळे, सोमनाथ गिते, दिलीप आंधळे, भिकाजी सांगळे, एकनाथ सांगळे, शंकर खामकर, जनार्दन डोंगरे, ज्ञानेश्वर आंधळे, दत्तात्रय पवार, सगिता आव्हाड, विमल सांगळे, ग्रामसेवक राशीनकर, सहादराव आंधळे, राजेंद्र आंधळे, दिनकर इलग, दादाहरी गिते, दर्शन आंधळे, गणेश आंधळे, संदीप नांगरे आदींनी अभिनंदन करत पुढील वाटचालीसाठी शुभेच्छा दिल्या आहेत.

विखे पाटील कुटुंबाचे प्रतापपूर गावावर विशेष प्रेम असल्यामुळे विकास कामासाठी आतापर्यंत त्यांनी निधी कमी पडु दिलेला नाही. जेष्ठ नेते भगवानराव इलग यांच्या मार्गदर्शनाखाली गावच्या विकासासाठी सर्वतोपरी प्रयत्न करण्याची ग्वाही नुतन सरपंच व उपसरपंच यांनी सत्काराला उत्तर देताना दिली आहे‌.