◻️ आंबा रोप भेट म्हणून दिले ; शरद मोरे सत्काराने भारावले
संगमनेर LlVE | संगमनेर तालुक्यातील आश्वी खुर्द येथील रहिवासी असलेले शरद नाना मोरे यांची नुकतीच चिंचवड वाहतूक शाखेत पोलीस उप निरीक्षक पदी पदोन्नती झाली असून त्यांनी कार्यभार स्वीकारला आहे. त्यांच्या या यशाबद्दल आश्वी खुर्द ग्रामस्थांकडुन सत्कार करण्यात आला. यावेळी माजी उपसरपंच संजय गायकवाड, अदिनाथ जाधव, सचिन पोपळघट, गंगाधर म्हस्के व संपत मोरे आदि उपस्थित होते. याप्रसंगी त्यांना आंबा रोप भेट म्हणून देण्यात आले.
पोलीस उप निरीक्षक शरद मोरे हे आश्वी खुर्द येथील सर्व सामान्य कुटुंबातील कै. नाना मुक्ता मोरे यांचे चिरंजीव आहेत. घरची परिस्थिती जेमतेम असली तरी, जिद्द व कर्तबगारीच्या बळावर खंडाळा येथे प्रशिक्षण घेतल्यानंतर पुणे जिल्ह्यातील पोलीस दलात ते १९९४ साली भर्ती झाले होते.
यावेळी त्यांनी १९९४ ते सन २००० पर्यंत पिपंरी पोलीस ठाणे, २००० ते २००६ पर्यत चतुर्शीगी पोलीस ठाणे, २००६ ते २०१२ पर्यत भोसरी पोलीस ठाणे, २०१२ ते २०१७ पर्यंत डेक्कन पोलीस ठाणे, २०१७ ते २०१८ पर्यंत शिवाजीनगर पोलीस ठाणे येथे दिमाखदार कामगिरी केली. यानंतर देहूरोड वाहतूक विभागात बदली झाली असता तळेगाव रोड ते तळेगाव याठिकाणी काम केले आहे.
तर पुन्हा चिंचवड येथे बदली झाल्यानंतर उत्कृष्ट काम करत असताना नुकतीचं चिंचवड वाहतूक विभागात शरद मोरे यांनी पोलीस उप निरीक्षक पदी बढती मिळाली आहे.
दरम्यान नुकतेच ते आश्वी खुर्द येथे कौटुंबिक भेटीसाठी आले होते. यावेळी गावातील ग्रामस्थांनी भेटून त्यांचे अभिनंदन करत सत्कार केला आहे. ठिकठिकाणी झालेल्या सत्कार प्रसंगी सामाजिक कार्यकर्ते राजेंद्र मांढरे, स्वस्तिक ट्रेडिंग कंपनीचे साई मांढरे, माजी उपसरपंच तथा स्वामी समर्थ उद्योग समुहाचे संस्थापक संजय गायकवाड, अदिनाथ जाधव, सचिन पोपळघट, गंगाधर म्हस्के व संपत मोरे आदि उपस्थित होते. तर यावेळी शरद मोरे सत्काराने भारावले होते.
