संगमनेर येथे दर्पणकर आचार्य बाळशास्त्री जांभेकर जयंती साजरी
◻️ महाराष्ट्र राज्य पत्रकार संघाकडून पत्रकार दिनानिमित्त पत्रकार सन्मान
संगमनेर LIVE | दर्पणकार आचार्य बाळशास्त्री जांभेकर यांची ६ जानेवारी रोजी जयंतीनिमित्त साजऱ्या केल्या जात असलेल्या पत्रकार दिनाच्या निमित्ताने महाराष्ट्र राज्य पत्रकार संघ, संगमनेर शाखेच्या वतीने पत्रकार दिन मोठ्या उत्सहात साजरा करण्यात आला.
सोमवारी सकाळी शासकीय विश्रामगृह येथे सर्व पत्रकारांच्या उपस्थित आचार्य बाळशास्त्री जांभेकर यांच्या प्रतिमेस हार पुष्पगुच्छ देऊन अभिवादन करण्यात आले.
राज्य मराठी पत्रकार संघाचे संगमनेर तालुका अध्यक्ष संजय गोपाळे यांनी येणाऱ्या काळात सर्व संघटनेतील पत्रकारानी एकत्र येऊन काम करण्याचे सांगताना आचार्य बाळशास्त्री जांभेकर जांभेकर यांच्या प्रतिमेस अभिवादन करून पत्रकारांनी एकत्रित काम केल्यास संघटना भक्कम पणाने उभ्या राहतील यासाठी प्रयत्न करावे असे आवाहन केले.
यानंतर जिल्हाध्यक्ष सोमनाथ काळे यांनी सर्व पत्रकारांना पत्रकार दिनाच्या शुभेच्छा देत एकत्रित काम करण्याचे आवाहन केले.
पत्रकार गोरक्षनाथ मदने यांनी आचार्य बाळशास्त्री जांभेकर यांना अभिवादन करत पत्रकारांनी माध्यमातील आवाहनाना सामोरे जाताना एकत्र येऊन संघटनात्मक काम करावे असे म्हटले. यावेळी पत्रकार श्याम तिवारी, मंगेश सालपे आदींची भाषणे झाली.
याप्रसंगी पत्रकार संघाच्या वतीने तालुकाध्यक्ष संजय गोपाळे, जिल्हाध्यक्ष सोमनाथ काळे, पत्रकार गोरक्षनाथ मदने, शाम तिवारी, मंगेश सालपे, संदीप वाकचौरे यांच्या हस्ते उपस्थित पत्रकारांना सन्मानित करण्यात आले.
दरम्यान यावेळी जिल्हाध्यक्ष सोमनाथ काळे, गोरक्षनाथ मदने, अमोल मतकर, संजय नवले, शाम तिवारी, मंगेश सालपे, सुशांत पावसे, शेखर पानसरे, बाळासाहेब गडाख, भारत रेघाटे, भारत पडवळ, गोरक्षनाथ नेहे, सतीश आहेर, बाबासाहेब कडू, सुभाष भालेराव, महेश पगारे, दत्ता घोलप, नीलिमा घाडगे, अण्णासाहेब काळे, चंद्रकांत शिंदे, राजू नरवडे, सुखदेव गाडेकर, संजय अहिरे, डोंगरे आदि पत्रकार उपस्थित होते.
या कार्यक्रमाचे सूत्रसंचालन व आभार संदीप वाकचौरे यांनी मानले.