श्री साईबाबा संस्थानला टीव्हीएस कंपनीकडून इलेक्ट्रीक रिक्षाची देणगी
◻️ यापुर्वी देखील संस्थानला ११ दुचाकी आणि २ तीन चाकी वाहनाची देणगी
संगमनेर LIVE (शिर्डी) | श्री साईबाबा संस्थान विश्वस्तव्यवस्थेच्या सेवेत अधिक सुविधा पुरविण्याच्या उद्देशाने टीव्हीएस कंपनीच्या वतीने टीव्हीएस मॅक्स इव्ही ही ३ चाकी इलेक्ट्रीक रिक्षा देणगी स्वरुपात प्रदान करण्यात आली.
यावेळी संस्थानच्या वतीने वाहनाची विधीवत पूजा करून टिव्हीएस मोटर्सचे सीइओ के. एन. राधाकृष्णन यांनी श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांच्याकडे वाहनाची चावी सुपुर्द केली.
यानंतर, संस्थानच्या वतीने के. एन. राधाकृष्णन यांचा शाल व श्री साई मूर्ती देऊन सत्कार करण्यात आला. या कार्यक्रमाला टीव्हीएस कंपनीचे सेल्स रिजनल मॅनेजर मनप्रित सिंग छाब्रा, सर्व्हिस रिजनल मॅनेजर सौरव घोराई, एरिआ मॅनेजर आशिष जैसवाल तसेच संस्थानचे उपमुख्य कार्यकारी अधिकारी भिमराज दराडे, प्रशासकिय अधिकारी संदिपकुमार भोसले, विश्वनाथ बजाज, कार्यकारी अभियंता भिकन दाभाडे व वाहन विभाग प्रमुख अतुल वाघ आदी उपस्थित होते.
विशेष बाब म्हणजे यापूर्वीही टीव्हीएस कंपनीने श्री साईबाबा संस्थानला ११ दुचाकी आणि २ तीन चाकी वाहने देणगी स्वरूपात प्रदान केली आहेत. संस्थानकडून या सहकार्याबद्दल टीव्हीएस कंपनीचे विशेष आभार व्यक्त करण्यात आले.