उद्या गुरुवारी सहकारमहर्षी थोरात कारखान्याच्या गळीत हंगाम शुभारंभ
◻️ कारखान्याचे व्हा. चेअरमन पांडुरंग घुले यांची माहिती
संगमनेर LIVE | सहकारासाठी दिशादर्शक ठरलेल्या सहकार महर्षी भाऊसाहेब थोरात सहकारी साखर कारखान्याच्या सन २०२५-२६ या गळीत हंगामाचा शुभारंभ उद्या गुरुवार दिनांक ३० ऑक्टोबर २०२५ रोजी सकाळी ९ वाजता कारखान्याचे चेअरमन बाळासाहेब थोरात व सौ. कांचनताई थोरात, माजी आमदार डॉ. सुधीर तांबे, आमदार सत्यजीत तांबे, ॲड. माधवराव कानवडे आणि डॉ. जयश्रीत थोरात यांच्या उपस्थिती होणार असल्याची माहिती व्हा. चेअरमन पांडुरंग घुले यांनी दिली आहे.
याबाबत अधिक माहिती देताना पांडुरंग घुले म्हणाले की, लोकनेते बाळासाहेब थोरात यांच्या मार्गदर्शनाखाली थोरात कारखान्यावर सभासद, शेतकरी व कार्यक्षेत्राबाहेरिल ऊस उत्पादक यांचाही मोठा विश्वास आहे. या कारखान्याने मागील हंगामात कार्यक्षेत्रातील ऊस उत्पादकांकरता ३ हजार २०० रुपये भाव दिला होता.
दरम्यान या ऊस गळीत हंगामाच्या शुभारंभ कार्यक्रमासाठी सभासद, शेतकरी, ऊस उत्पादक यांनी मोठ्या संख्येने उपस्थित राहावे असे आवाहन कार्यकारी संचालक जगन्नाथ घुगरकर व सर्व संचालक मंडळ यांनी केले.